Accessibility links

په‌رله‌مانی سوریا یاسای نوێی هه‌ڵبژاردن په‌سه‌ند ده‌کات

  • VOA News

ته‌له‌فزیۆنی حکومه‌تی سوریا ده‌ڵێت په‌رله‌مانی وڵات به‌ کۆی ده‌نگ یاسایه‌کی نوێی هه‌ڵبژاردنی په‌سه‌ندکردووه‌ که‌ ڕێگه‌ به‌ چه‌ندان پاڵێوراو ده‌دات خۆیان بۆ هه‌ڵبژاردنی سه‌رۆکایه‌تی کاندید بکه‌ن، ئه‌مه‌ش ده‌رفه‌ت بۆ کاندیدانی دیکه‌ ده‌ڕه‌خسێنێت له‌گه‌ڵ به‌شار ئه‌سه‌ددا بـبنه‌ ڕکه‌به‌رانی له‌ هه‌ڵبژاردنی سه‌رۆکایه‌تی سوریدا.
ئه‌وه‌ی جێی ئاماژه‌یه‌ ده‌نگدانه‌که‌ی په‌رله‌مان و په‌سه‌ندکردنی یاسایه‌کی نوێی هه‌ڵبژاردن له‌و ده‌مه‌دایه‌ که‌ نزیکه‌ی 4 مانگ ماوه‌ به‌ر له‌وه‌ی خولی حه‌وت سـاڵه‌ی سه‌رۆکایه‌تی به‌شار ئه‌سه‌د به‌ فه‌رمی کۆتایی پـێبێت.
به‌رپـرسـانی سوری ده‌ڵێن هه‌ڵبژاردنی سه‌رۆکایه‌تی وڵات له‌ کاتی دیاریکراوی خۆیدا ئه‌نجام ده‌درێت و به‌شار ئه‌سه‌د پـێشـنیازی دووباره‌ خۆ کاندیدکردنی بۆ پـۆسـتی سه‌رۆکایه‌تی ده‌کات.
شایه‌نی باسه‌ به‌پـێی یاسا نوێـیه‌که‌ ته‌نها ئه‌و که‌سانه‌ ده‌توانن خۆیان کاندید بکه‌ن که‌ بۆ زیاتر له‌ 10 سـاڵه‌ دانیشـتووی سوریان.
به‌ڵام ته‌له‌فیزیۆنی سوریا ئاماژه‌ی به‌وه‌ نه‌دا که‌ ئایا چه‌ند له‌ یاسادانه‌رانی سوری ده‌نگیان به‌ یاساکه‌ داوه‌.
XS
SM
MD
LG