Accessibility links

له‌ قه‌ندهار یاخیبووان هێرش ده‌که‌ن


کاربه‌ده‌ستانی پۆلیس له‌ ئه‌فغانستان ده‌ڵێن 3 یاخیبوو هه‌وڵیان داوه‌ هێرش بکه‌نه‌ سه‌ر باره‌گاکانی پێشووی ده‌زگای هه‌واڵگری وڵاته‌که‌ له‌ شاری قه‌نده‌هار له‌ باشوری وڵاته‌که‌.

پۆلیس ده‌ڵێت شه‌ڕێکی قورس ڕوویداوه‌ له‌گه‌ڵ هێزه‌ ئاسایشیه‌کاندا و هه‌ر سێ هێرشبه‌ره‌که‌ کوژراون.

ره‌حمه‌توڵا ئه‌ترافی، جێگری سه‌رۆکی پۆلیس ده‌ڵێت سێ که‌سه‌ یاخیبووه‌که‌ زوویه‌کی ئه‌مڕۆ چوارشه‌ممه‌ ئه‌و هێرشه‌یان کردووه‌ و له‌و شه‌ڕه‌شدا که‌ ڕوویداوه‌ هێزه‌ ئاسایشیه‌کان هیچ زیانێکی گیانیان نه‌بووه‌.

هاوکاتی ئه‌و شه‌ڕه‌ی ئه‌مڕۆ زۆرێک له‌ کارمه‌ندانی ده‌زگای هه‌واڵگری ده‌مامکیان کردبوو تا نه‌ناسرێنه‌وه‌ و ناسنامه‌کانیان ئاشکرا نه‌بن.

قه‌نده‌هار شوێنی سه‌ره‌کی توندڕه‌وانی تاڵیبانه‌کانه و هێزێکی زۆری ئاسایشی نیشتیمانی وڵاته‌که‌ی لێ دانراوه‌، به‌ڵام هێشتاش یاخیبووان ده‌توانن له‌ناو شاره‌که‌شدا جموجۆڵیان هه‌بێت. ‌
XS
SM
MD
LG