Accessibility links

نه‌ته‌وه‌یه‌کگرتووه‌کان: سوریا مه‌ترسیدارترین شوێنی جیهانه‌ بۆ منداڵان


سندوقی منداڵان سه‌ر به‌ نه‌ته‌وه‌یه‌کگرتووه‌کان داوای کردووه‌ سرنج بدرێته‌ سه‌ر کاریگه‌ری شه‌ڕی سێ ساڵانه‌ی سوریا به‌ سه‌ر منداڵانی ئه‌م وڵاته و ده‌شڵێت ئه‌م قه‌یرانه ‌"زیانبارترین شه‌ڕ بۆ منداڵان له‌ مێژووی نوێ ئه‌م هه‌رێمه‌ بووه‌."
سێشه‌ممه‌ له‌ ڕاپۆرتێکی نوێدا، یونیسێف گوتی 5.5 ملیۆن منداڵی سوریا ئێستا پێویستان به‌ یارمه‌تی هه‌یه‌ به‌ هۆی ئه‌و شه‌ڕه‌-- ئه‌م ژماره‌یه له‌ یه‌ک ساڵی ڕابردوو، ‌ دووبه‌رابه‌ر بووه‌.
نه‌ته‌وه‌یه‌کگرووه‌کان مه‌زنده‌ ده‌کات به‌ڵانی که‌م 10،000 منداڵ کوژراون له‌وه‌تای مانگی 3ی ساڵی 2011، و زۆر له‌و منداڵانه‌ی له‌ وڵات هه‌ڵاتون بۆ ناو که‌مپه‌کانی په‌نابه‌ری هێشتا ترسیان هه‌یه‌ بۆمباران بکرێن، بڕفێندرێن یان بکوژرێن.
جین مه‌کفێل شاره‌زایه‌کی پاراستنی منداڵان له‌گه‌ڵ یونیسێف و ئێستا له‌گه‌ڵ په‌نابه‌رانی سوریا له‌ ئوردن کارده‌کات ده‌ڵێت زۆر له‌ منداڵانی سوریا" به‌ ته‌واوه‌تی ده‌ دنیای گیان ڕزگارکردنن" و "هه‌ڵسوکه‌وتی ئاسایی کۆمه‌ڵایه‌تی و هه‌ست ده‌ڕبرنیان له‌ بیر ده‌چێته‌وه‌ به‌رامبه‌ر به‌ ئه‌وه‌ی بینیویانه‌."
ڕاپۆرته‌که‌ ده‌شڵێت به‌ ملیۆنان منداڵانی که‌وتونه‌ته‌ ژێر کاریگه‌ری ئه‌و قه‌یرانه‌ ده‌ مه‌ترسی ئه‌وه‌ دان ببن به‌ به‌ره‌بابێکی وون بوو."
ڕاپۆرته‌که‌ ده‌شڵێت هه‌ڕه‌شه‌کانی ڕووبه‌ڕووی منداڵانی سوریان، ئه‌م وڵاته‌ی کردۆته یه‌کێک له‌ مه‌ترسیدارترین شوێنی ژیان له‌م‌ جیهانه‌."
XS
SM
MD
LG