Accessibility links

ره‌به‌نه‌کانی سوریا ئازاد ده‌کرێن

  • VOA News

nuns

nuns

کۆمه‌ڵێک ڕه‌به‌نی کلێسای ئۆرثودۆکسی یونان که‌ له‌وه‌تای مانگی 12 له‌ لایه‌ن سه‌رهه‌ڵداوان گیرابون گه‌ڕاونه‌ته‌وه‌ سوریا، ڕۆژێک پاش ئه‌وه‌ی له‌ لوبنانی دراوسێ ئازادکران.
سه‌ر له‌ به‌یانی دوشه‌ممه13 ڕه‌به‌ن و 3 که‌سی له‌گه‌ڵیاندابون گه‌یشتنه‌ شاروچکه‌ی سنوری 'جدیدت یابوس'- 30 کیلۆمتر له‌ باکوری ڕۆژئاوای دیمه‌شق.
یه‌کێک له‌ ڕه‌به‌نه‌ ئازادکراوه‌کان له‌ پاش گه‌ڕانه‌وه‌ی بۆ سوریا سوپاس و پێزانینی نیشاندا.
ئه‌و گوتی ،" ئێمه‌ زۆر دڵخۆشین به‌وه‌ی‌ به‌ ته‌ندروستیه‌کی باشه‌وه‌ گه‌ڕاوینه‌وه‌. سوپاس بۆ خودا. ئێمه‌ پێمان خۆشه‌ سوپاسی هه‌مو ئه‌و که‌سانه‌ش بکه‌ین یارمه‌تیده‌ر بون له‌ گه‌رانه‌وه‌مان."
هه‌روه‌ها ڕێبه‌ری کلێسای 'مار ته‌کلا' گوتی له‌ ماوه‌ی گیرانیان ڕه‌فتاری چاک له‌گه‌ڵ ڕه‌به‌نه‌کان کرابو و ئه‌و سوپاسی سه‌رۆکی سوریا بشار ئه‌سه‌د و کاربه‌ده‌ستانی لوبنانی کرد یارمه‌تیده‌ر بون له‌ ئازادکرانیاندا.
کلێساکه‌ له‌ گوندی مه‌سیحی نشێنی مه‌علووله‌-یه‌ ده‌که‌وێته‌‌ 40 کیلۆمتری باکوری دیمه‌شق‌.
سه‌رهه‌ڵداوانی سوریا، به ئه‌ندامانی به‌ره‌ی نوسره‌ سه‌ر به‌ئه‌لقاعیده‌، له‌ مانگی 12 گونده‌که‌یان گرتو ڕه‌به‌نه‌کان که‌ له‌ هه‌تیوخانه‌ی کلێساکه‌ کاریان ده‌کرد گرت.
XS
SM
MD
LG