Accessibility links

عه‌ره‌بسـتانی سعودیـیه‌ لیسـتێـک به‌ ناوی کۆمه‌ڵه‌ تێرۆرسـتیـیه‌کان بڵاوده‌کاته‌وه‌

  • VOA News

ده‌سه‌ڵاتدارانی عه‌ره‌بسـتانی سعودیـیه‌ لیستێـکیان ڕاگه‌یاند‌ که‌ تیایدا ناوی ژماره‌یه‌ک ڕێـکخراوی و کۆمه‌ڵی ئیسلامی هاتووه‌، ده‌ڵێت ئه‌مانه‌ کۆمه‌ڵی تێرۆرستین و هه‌ر که‌سێـک له‌ ناو وڵاته‌که‌یاندا بـبێته‌ ئه‌ندامیان یان پشـتیوانیان لێ بکات، ئه‌وا سزاده‌درێت.
وه‌زاره‌تی ناوخۆی عه‌ره‌بسـتانی سعودیـیه‌ لیسته‌که‌ی بڵاوکرده‌وه‌ و ده‌ڵێت ئه‌مه‌ لیستی یه‌که‌مه‌ و‌ ئه‌م کۆمه‌ڵانه‌ی له‌خۆگرتووه‌: ( ڕێـکخراوی ئه‌لقاعیده‌، قاعیده‌ له‌ دورگه‌ی عه‌ره‌ب، قاعیده‌ له‌ یه‌مه‌ن، قاعیده‌ له‌ عێراق، داعش، جه‌بهه‌ت ئه‌لنوسره‌، حزبوڵڵای ناو سعودیـیه‌، ئیخوان ئه‌لموسلیمین، کۆمه‌ڵی حوسی شیعه‌کانی یه‌مه‌ن).
به‌پـێی به‌یانـنامه‌ی وه‌زاره‌ته‌که‌ هه‌ر که‌سێـک بـبێته‌ ئه‌ندامیان یان کۆمه‌کیان بکات و ته‌نانه‌ت هاوسۆزیشیان بۆ ده‌ربـبڕێت یان له‌ ده‌زگاکانی ڕاگه‌یاندن و تۆڕه‌کانی کۆمه‌ڵایه‌تی و ئنته‌رنێت به‌شـداری بابه‌ته‌کانیان بکات، ئه‌وا سزا ده‌درێت.
XS
SM
MD
LG