Accessibility links

ڕاپه‌ڕین 23 ساڵ له‌مه‌وبه‌ر له‌ هه‌رێمی کوردستانی عێراق ده‌ستی پێکرد و ڕۆژی 5 مانگی 3 ی ساڵی 1991 له‌ شاری ڕانیه‌وه‌ یه‌که‌م به‌گژدا چوونه‌وه‌ی فه‌رمیانه‌ی دامه‌زراوه‌کانی ڕژێمه‌که‌ی ئه‌وسای سه‌دام حوسه‌ین ڕوویدا و هه‌ر بۆیه‌شه‌ ناوی ده‌روازه‌ی ڕاپه‌ڕین به‌ ڕانیه‌ به‌خشرا.

ڕاپه‌ڕین به‌گژدا چوونه‌وه‌ی جه‌ور و سته‌می ڕژێمه‌که‌ی عێراق بوو.
ڕاپه‌ڕین لاپه‌ڕه‌یه‌کی نوێی مێژوو بوو بۆ کۆمه‌ڵگای کوردی، له‌ هه‌ڵبژاردنه‌وه‌ بۆ پێکهێنانی په‌رله‌مان و حکومه‌ت و هتد.
دکتۆر جه‌عفه‌ر عه‌لی

دکتۆر جه‌عفه‌ر عه‌لی


میوانی به‌رنامه‌ی له‌گه‌ڵ ڕووداوه‌کاندا:
دکتۆر جه‌عفه‌ر عه‌لی، مامۆستای زانکۆی ڕاپه‌ڕین و ئه‌ندامی پێشووی په‌رله‌مانی هه‌رێمی کوردستانی عێراق.

شه‌ڕی ناوخۆی نێوان لایه‌نه‌ کوردیه‌کان له‌پاش ڕاپه‌ڕینیش درێژه‌ی هه‌بوو.
دژایه‌تی کردنی یه‌کتری لایه‌نه‌کان درێژه‌ی هه‌بوو.
گه‌نده‌ڵی بووه‌ دیارده‌یه‌کی به‌رچاو له‌و هه‌رێمه‌دا که‌ له‌ ساڵی 1991 ه‌وه‌ کورد فه‌رمانڕه‌وای خۆیه‌تی.

ئایا ئه‌مانه‌ به‌ره‌نجامه‌کانی ڕاپه‌ڕین بوون؟ یان چیی ڕوویدا و بۆ به‌م شێوازه‌ که‌وتۆته‌وه‌.

دکتۆر جه‌عفه‌ر عه‌لی، مامۆستای زانکۆی ڕاپه‌ڕین و ئه‌ندامی پێشووی په‌رله‌مانی هه‌رێمی کوردستانی عێراق له‌ په‌یجی خۆی له‌ تۆڕی کۆمه‌ڵایه‌تی فه‌یس بووک نوسیویه‌
چاوپێکەوتن لەگەڵ هەر کەسێک ئەنجام بدەی هەر ئەو پێشەنگ و ڕچەشکێن بووه‌
هەر حیزبیەکی درۆزن بدوێنی ئەگەرچی ئەوکات لە حیزبێکی تریش بووبێ،بەڵام حیزبەکەی ئێستای دەکاتە خودای ڕاپەڕین!
تا ده‌گاته‌ ئه‌وه‌ی ده‌ڵێت:
هەموان رزگارکەرو فریادڕەس و سەرکردەن،تەنها (ڕانیە) نەبێ!
کە شار لە5 ی ئاداری 1991 ڕاپەڕی و ئازادکرا:
نە حیزب لێرە بوو،نە پێشمەرگەو،نە سەرکردە... ئەوانە دوای ئازادی شار نەبێ،هەرگیز باوەشیان نەکرد بە ڕانیەدا.


کێ به‌رنامه‌ ڕێژیی بۆ ڕاپه‌ڕین کرد؟ ئایا سه‌رهه‌ڵدانێکی جه‌ماوه‌ریانه‌ بوو یان لایه‌نه‌ سیاسیه‌کانی ئۆپزسیۆنی ئه‌وسا و ده‌سه‌ڵاتی ئێستا پلانی ڕاپه‌ڕینێکی ئاوه‌هایان هه‌بوو، به‌ تایبه‌تی که‌ له‌شکره‌ شکست خواردوه‌که‌ی عێراق چه‌ک سه‌ر به‌ره‌وخوار له‌ کوێته‌وه‌ هه‌ڵده‌هات و له‌ نزیک به‌غداشه‌وه‌ خۆی بۆ کۆنه‌ده‌کرایه‌وه‌؟
به‌ڵێن ساڵح، ئه‌م پرسیارانه‌ و ژماره‌یه‌ک پرسی تریش له‌گه‌ڵ میوانی به‌رنامه‌که‌یدا ده‌خاته‌ به‌ر باس.
زانیاری زیاتر له‌ ده‌قی به‌رنامه‌که‌دایه‌:
XS
SM
MD
LG