Accessibility links

چه‌کی کیمیایی له‌ عه‌مباری چه‌کی له‌شکری سوریاوه‌ به‌کارهێنراوه‌

  • VOA News

لێکۆڵه‌رانی مافه‌کانی مرۆڤ، سه‌ر به‌ نه‌ته‌وه‌ یه‌کگرتووه‌کان ده‌ڵێن ساڵی پار چه‌کی کیمیایی له‌ دوو هێرشدا له‌ سوریا به‌کارهێنراون و پێشده‌چێت له‌ لایه‌ن له‌شکری سوریاوه‌ ئه‌و هێرشانه‌ کرابن.

تیمی پسپۆڕانی سه‌ربه‌خۆ که‌ پاولۆ پینیرۆ ی به‌رزیلی سه‌رۆکایه‌تی ده‌کات له‌ ڕاپۆرتێکی ئه‌مڕۆ چوارشه‌ممه‌یدا ده‌ڵێت ژه‌هری کوشنده‌ی سارین له‌ له‌ سێ ڕووداودا به‌کارهێنراوه‌، ڕۆژی 21 ی مانگی 8 له‌ ناوچه‌ی غۆته‌ نزیک له‌ دیمه‌شق، له‌ مانگی سێدا له‌ ناوچه‌ی خان ئه‌لعه‌سه‌ل نزیک حه‌ڵه‌ب و له‌ مانگی چواری ڕابردووشدا له‌ نزیک شارۆچکه‌ی ئیدلبه‌وه‌.

له‌ ڕاپۆرته‌که‌دا هاتووه‌ له‌ غۆته‌ بڕێکی به‌رچاوی سارین به‌کارهاتووه‌ له‌ هێرشێکدا که‌ به‌رنامه‌ڕێژیه‌کی ته‌واوی بۆ کراوه‌ دژی خه‌ڵکی سیڤیل و زیانێکی زۆری گیانیشی هه‌بووه‌.

هه‌ر له‌م ڕاپۆرته‌دا ئاماژه‌ش به‌وه‌ کراوه‌ به‌ڵگه‌کان ئاماژه‌ن به‌وه‌ی ئه‌وانه‌ی ئه‌و هێرشه‌یان کردووه‌ ده‌ستیان گه‌یشتۆته‌ عه‌مباری چه‌که‌ کیمیاییه‌کانی سوریا و به‌هه‌مان شێوه‌ش به‌ که‌ره‌سته‌ و پسپۆڕیی تایبه‌تی پێویست بۆ پاراستنی ئه‌و بڕه‌ زۆره‌ مه‌تریاڵه‌ کیمیاییانه‌.

پینیرۆ ده‌شڵێت تیمه‌که‌ی لێکۆڵینه‌وه‌ له‌ 20 ڕووداوی تردا ده‌کات که‌ چه‌کی کیمیاییان تیادا به‌کارهێنراوه‌ له‌ سوریادا.
XS
SM
MD
LG