Accessibility links

کۆنفرانسی سـاڵانه‌ی زانکۆی ئه‌مه‌ریکایی له‌ سلێمانی به‌ڕێوه‌ده‌چێت

  • VOA News

زانكۆی ئه‌مریكی له‌ عیراق - سلێمانی ڕۆژی یه‌که‌می کۆنفرانسی سـاڵانه‌ی خۆی له‌ ژێر ناونیشـانی به‌ره‌نگاربوونه‌وه‌ی ئاسـته‌نگه‌کان له‌ خۆرهه‌ڵاتی ناوه‌ڕاست ده‌سـتپـێـکرد.
ئه‌م کۆنفرانسه‌ بووه‌ته‌ عاده‌تێـکی سـاڵانه‌ی زانکۆی ئه‌مه‌ریکایی له‌ سلێمانی، بێ ئه‌وه‌ی بزانرێت له‌ ڕابردوو ئامانجه‌کانی خۆی پـێـکاوه‌ که‌ دووه‌م سـاڵه‌ به‌ڕێوه‌ده‌چێت.
کۆنفرانسه‌که‌ میوان گه‌لێـکی زۆری بانگهێشتکردووه‌ و ته‌وه‌ره‌کانی عێراق و ئێران و تورکیا و سوریا سه‌رباسی بابه‌ته‌کانه‌ ، له‌ نێویاندا پـرسی نه‌وت و ئاو و وه‌به‌ره‌هه‌مهێنان و سنوور و ئاسایشی نه‌ته‌وه‌یی.
سه‌رۆکی فه‌خری زانکۆی ئه‌مه‌ریکایی دکتۆر به‌رهه‌م سـاڵح که‌ خۆشی ده‌سـتی هه‌بووه‌ له‌ دروسـتکردنی زانکۆکه،‌ له‌گه‌ڵ سه‌رۆکی زانکۆکه‌ به‌ گه‌رمی پـێشوازیان له‌ میوانه‌کان کرد.
له‌و کۆنفرانسه‌ سه‌رۆکی حکومه‌تی هه‌رێم نێچیرڤان بارزانی و وه‌زیری ده‌ره‌وه‌ی عێراق هوشیار زێباری و وه‌زیری ده‌ره‌وه‌ی تورکیا ئه‌حمه‌د داوود ئۆغڵو له‌گه‌ڵ ژماره‌یه‌ک به‌رپـرسـانی باڵای دیکه‌ ئاماده‌ی کۆنفرانسه‌که‌ بوون.
XS
SM
MD
LG