Accessibility links

سیئۆل ده‌ڵێت کۆریای باکور 7 گولـله‌ تۆپـی هه‌ڵداوه‌

  • VOA News

کاربه‌ده‌سـتان له‌ سیئۆل ڕایانگه‌یاند که‌وا کۆریای باکور ڕۆژی سێشه‌ممه‌ 7 گولـله‌ تۆپی گرتووه‌ته‌ ئۆقیانوسه‌وه‌ و ده‌ڵێت ئه‌مه‌ جۆره‌ ئازراندنێـکه‌ له‌ به‌رامبه‌ر ئه‌و مه‌شق و ڕاهێنانه‌ له‌شـکریـیه‌ی که‌ له‌ ئێسـتادا کۆریای باشور له‌گه‌ڵ ئه‌مه‌ریکا به‌ڕێوه‌ی ده‌بات.
به‌پـێی وه‌زاره‌تی به‌رگری کۆریای باشور سێ له‌ گولـله‌ تۆپه‌کان مه‌وداکه‌یان 50 کیلۆمه‌تر بووه‌ و 4 گولـله‌ تۆپه‌که‌ی دیکه‌ 155 کیلۆمه‌تریان بڕیوه‌.
له‌وه‌تای نزیکه‌ی هه‌فته‌یه‌که‌ مانۆری له‌شـکری سـاڵانه‌ی نێوان کۆریای باشور و ئه‌مه‌ریکا ده‌سـتیپـێکردووه‌، کۆریای باکور 6 موشه‌کی جۆری سکۆتیشی گرتووه‌ته‌ ده‌ریاوه‌. چه‌ند ڕۆژێـکیش به‌ر له‌ ده‌سـتپـێـکردنی مه‌شقه‌کان کۆریای باکور ژماره‌یه‌ک گولـله‌ تۆپـی هه‌ڵدابوو. کۆریای باکور ده‌ڵێت ئه‌م مه‌شق و ڕاهێنانه‌ بۆ داگیرکردنه‌، به‌ڵام سیئۆل و واشنتن ده‌ڵێن ته‌نها بۆ به‌رگریکردنه‌وه‌.
XS
SM
MD
LG