Accessibility links

نه‌ته‌وه‌ یه‌کگرتووه‌کان داوا له‌ لایه‌نه‌ به‌شه‌رهاتووه‌‌کانی سوریا ده‌کات ڕێ به‌ گه‌یاندنی یارمه‌تیـیه‌کان بده‌ن


کاربه‌ده‌ستێکی نه‌ته‌وه‌ یه‌کگرتووه‌کان داوای له‌ لایه‌نه‌ به‌شه‌رهاتووه‌‌کانی سوریا کردووه‌ ڕێبده‌ن به‌ کارمه‌ندانی فریاگوزاری ده‌ستبکه‌نه‌وه‌ به‌ دابه‌شکردنی خۆراک و ده‌رمان له‌ ناوچه‌یه‌کی فه‌له‌ستینیه‌کان له‌ دیمه‌شقی پایته‌خت.
کریس گۆنێس له‌ ڕێکخراوی UNRWA وه‌ له‌ ئه‌مڕۆ چوارشه‌ممه‌ داوای له‌ هێزه‌کانی لایه‌نگری به‌شار ئه‌لئه‌سه‌دی سه‌رۆکی سوریا و سه‌رهه‌ڵداوان کرد که‌ شه‌ڕ ده‌که‌ن له‌ پێناوی له‌کارخستنی ،ڕێبده‌ن به‌گه‌یاندنی یارمه‌تییه‌ مرۆییه‌کان به‌شێوه‌یه‌کی سه‌لامه‌ت بۆ هه‌زاره‌ها له‌ سیڤیله‌کانی که‌ له‌ ئۆردووگای یه‌رمووك گیریان خواردووه‌.
ئه‌م تێبینیانه‌ی ناوبراو هات له‌م ده‌مه‌ی بان کی مۆنی سکرتێری گشتی نه‌ته‌وه‌ یه‌کگرتووه‌کان داوای له‌ حکومه‌تی سوریا کردووه‌ ڕیبدات به‌کارکردنی ژماره‌یه‌کی زیاتری کارمه‌ندانی فریاگوزاری له‌ ناو وڵاته‌که‌ی که‌ به‌هۆی شه‌ڕی سێ ساڵ خایه‌نه‌وه‌ وێرانبووه‌.
جێی ئاماژه‌ بۆ کردنه‌ یه‌رمووك ڕۆبه‌ڕۆی هه‌ره‌ خراپترێن شه‌ڕی ناو پایته‌خت بۆته‌وه‌ که‌ بۆته‌ مایه‌ی که‌مووکوڕییه‌کی ئێجگار زۆری خۆراك و برسێتی لێکه‌وتۆته‌وه‌.
به‌رپرسه‌که‌ی UNRWA ئه‌م وته‌یه‌ی ڕاگه‌یاند دوای ئه‌وه‌ی سه‌ردانی یه‌رمووکی کردبوو.
XS
SM
MD
LG