Accessibility links

به‌هۆی توندوتیژی له‌ عێراق ژماره‌یه‌ک که‌س ده‌کوژرێن


کاربه‌ده‌ستان له‌ عێراق ڕاده‌گه‌ێنن ملیتانه‌کان هێرشیان کردووه‌ته‌ سه‌ر هێزێکی چاودێری له‌شکری له‌ ڕۆژهه‌ڵاتی وڵاته‌که‌، له‌ ئاکامدا به‌لایه‌نی که‌م 9 سه‌رباز کوژراون.
ئه‌فسه‌رێکی پۆلیس ده‌ڵێت دوو بۆمب چوار ماشێنی هێزی گه‌ڕۆکی له‌شکری له‌ ڕۆژی شه‌ممه‌ له‌ شارۆچکه‌ی سه‌عدییه‌ کرد به‌‌ ئامانج و پاش بۆمبه‌کانیش ملیتانه‌کان ده‌ستیان به‌ ته‌قه‌کردن کرد له‌ سه‌ربازه‌کان.
ئه‌و ئه‌فسه‌ره‌ی پۆلیس ده‌شڵێت چوار ئه‌فسه‌ری له‌شکر و پێنج سه‌رباز کوژران له‌ هه‌مانکاتدا چوار سه‌ربازیش بریندار بوون.
هه‌ر له‌ ڕۆژی شه‌ممه‌دا ئه‌فسه‌رێکی دیکه‌ی پۆلیس ڕایگه‌یاند سێ ئۆتۆمبێلی بۆمبڕێژ کراو له‌ شاری تکریت ته‌قینه‌وه‌ له ئاکامدا پێج که‌س کوژران و 18 که‌سی تریش بریدنار بوون.
XS
SM
MD
LG