Accessibility links

دوو کۆمه‌ڵی چه‌کداری لیبیا هه‌ڕه‌شه‌ له‌ په‌رله‌مانی وڵاته‌که‌یان ده‌که‌ن

  • VOA News

دوو کۆمه‌ڵی چه‌کداری به‌ ده‌سه‌ڵات له‌ لیبیا به‌یانـنامه‌یه‌کیان پـێـکه‌وه‌ ڕاگه‌یاند‌ و تیایدا داوا له‌ په‌رله‌مانتارانی وڵاته‌که‌یان ده‌که‌ن ده‌ست له‌کارکێشانه‌وه‌ی خۆیان ڕابگه‌یه‌نن‌، ئه‌گه‌ر نا ئه‌وا ده‌سـتگیریان ده‌که‌ن.
ڕۆژی سێشه‌ممه‌ که‌سێـک به‌ ناوی هه‌ردوو کۆمه‌ڵی چه‌کداری (که‌تیبه‌ت ئه‌لسه‌واعق) و (که‌تیبه‌ت ئه‌لقعقاع) له‌ به‌رده‌م چه‌ند ده‌زگایه‌کی ڕاگه‌یاندن به‌یانـنامه‌که‌ی خوێنده‌وه‌ و گوتی په‌رله‌مانتاره‌کان ماوه‌ی 5 کاژمێریان له‌ به‌رده‌مدایه‌ بۆ کشانه‌وه‌ له‌ کاره‌کانیان و هه‌رچ په‌رله‌مانتارێـک گوێڕایه‌ڵی فه‌رمانه‌که‌یان نه‌بێت، ئه‌وا به‌ تاوانکار داده‌نرێت و فه‌رمانی ده‌سـتگیرکردنی ده‌ده‌ن و ده‌یکه‌نه‌ ئامانج.
جێی ئاماژه‌یه‌ له‌ 7 ی مانگی دووه‌وه‌ په‌رله‌مانی لیبیا که‌ به‌ کۆنگره‌ی نیشـتیمانی ناسراوه‌، کۆتایی به‌ ماوه‌ یاسایـیه‌که‌ی هات، به‌ڵام په‌رله‌مانتاران ماوه‌که‌یان درێژکرده‌وه‌ و ئه‌مه‌ش ناڕه‌زایی جۆراوجۆری لێـکه‌وتۆته‌وه‌.
XS
SM
MD
LG