Accessibility links

له‌ پـێـکدادانی نێوان پـۆلیسی میسر و لایه‌نگرانی مورسی 2 که‌س ده‌کوژرێن

  • VOA News

کاربه‌ده‌سـتێـکی ئاسایشی میسر گوتی ڕۆژی هه‌ینی پـێکدادان له‌ نێوان هێزه‌کانی پـۆلیس و خۆپـیشـانده‌رانی لایه‌نگری محه‌مه‌د مورسی سه‌رۆکی له‌کارلابراو ڕوویداوه‌ و له‌ ئاکامدا 2 که‌س کوژراون.
کاربه‌ده‌سـته‌که‌ گوتی یه‌ک له‌ کوژراوه‌کان پـیاوێـکی ته‌مه‌ن 38 سـاڵ بوو که‌ له‌ گوندی ته‌بلی سه‌ر به‌ پارێزگای دمیات له‌ باکوری وڵات گولـله‌یه‌کی به‌رکه‌وت و بووه‌ مایه‌ی کوژرانی.
له‌ شـاری مینای باشوری قاهیره‌، کوڕێـکی منداڵی 12 سـاڵ که‌ له‌ ماڵی خۆیانه‌وه‌ سه‌یری یه‌ک له‌ پـێـکدادانه‌کانی ده‌کرد، گولـله‌ی تاپڕێـکی به‌رکه‌وتووه‌ و گیانی له‌ده‌سـتداوه‌.
هه‌روه‌ها پـێـکدادانه‌کان چه‌ند ناوچه‌یه‌کی دیکه‌شی گرته‌وه‌، وه‌ک قاهیره‌ و شـاری ئه‌سکه‌نده‌ریـیه‌ له‌ باکوری میسر.
XS
SM
MD
LG