Accessibility links

به‌فر بارین له‌ وڵاته‌ یه‌کگرتووه‌کانی ئه‌مریکا

  • VOA News

به‌هۆی شه‌پۆلی به‌فر بارینه‌وه‌ زیاتر له‌ 300 هه‌زار که‌س له‌ ناوچه‌کانی باشوری ڕۆژهه‌ڵاتی وڵاته‌ یه‌کگرتووه‌کانی ئه‌مریکا به‌بێ وزه‌ی ئه‌لکتریکن.

که‌شناسان ده‌ڵێن شه‌پۆلێکی نائاسایی سه‌رما و سۆڵه‌یه‌ ناوچه‌کانی باکوری ڕۆژهه‌ڵاتی وڵاته‌که‌شی گرتۆته‌وه‌.

وه‌ها چاوه‌ڕوان ده‌کرێت له‌م شه‌پۆلی سه‌رمایه‌ی مانگی دوودا زیاتر له‌ 30 سانتیمه‌تر به‌فر ببارێت له‌ واسنتۆنی پایته‌خت و ناوچه‌کانی ده‌وروبه‌ریشی.

هه‌ر به‌ هۆی ئه‌م که‌ش و هه‌وا نا ئاساییه‌وه‌ ئۆفیسه‌کانی حکومه‌تی فێدراڵ و حکومه‌تی ستانه‌کانیش داخراون، هه‌روه‌هاش ته‌واوی خویندنگاکانیش به‌ هه‌موو قۆناغه‌کانیه‌وه‌.

تا ئاماده‌کردنی ئه‌م هه‌واڵه‌ به‌فرێکی زۆر شاره‌ سه‌ره‌کیه‌کانی وه‌ک واشنتۆن دی سی و باڵتیمۆر و فێلادڵفیا و نیۆیۆرک و هه‌روه‌هاش بۆستن‌ی گرتۆته‌وه‌.

هه‌ر ئه‌م شه‌پۆلی سه‌رما و سۆڵه‌یه‌ بۆته‌ مایه‌ی ڕاگرتنی هه‌زاران گه‌شتی فڕۆکه‌یی و خه‌ڵکێکی زۆریش له‌ فڕۆکه‌خانه‌کاندا ماونه‌ته‌وه‌ و گیریان خواردووه‌.

به‌هۆی ئه‌م شه‌پۆله‌ نائاساییه‌وه‌ ده‌یان که‌س گیانیان له‌ده‌ستداوه‌ له‌ ناوچه‌کانی باشوری ڕۆژهه‌ڵاتی وڵاته‌ یه‌کگرتووه‌کان و حکومه‌تی ئه‌مریکاش لۆمه‌ی ئه‌و مردنانه‌ی له‌ ئه‌ستۆی ئه‌م شه‌پۆلی سه‌رما و سۆڵه‌یه‌ ناوه‌.
چه‌ن وێنه‌یه‌ک
XS
SM
MD
LG