Accessibility links

له‌ موسڵ 15 سه‌رباز سه‌رده‌بڕێن و 17 چه‌کداری داعشیش ده‌کوژرێن

  • Amir Goran

بەهۆى هێرشێکى چەکدارى بۆ سەر بارەگایەکى سوپاى عێراق لە باشورى موسڵ، لایەنى کەم 15 سەربازى سوپاى عێراق کوژران و سه‌ربڕاون، هەروەها لە شەڕ و پـێکدادانێکیشدا نزیکەى 17 چەکدارى داعش کوژران.
پـۆلیس رایگەیاند بەرەبەیانى ڕۆژی سێشه‌ممه‌ چەند چەکدارێکى سەر بە ڕێکحراوى دەوڵەتى ئیسلامى لە عیراق و شام ناسراو بە داعش کە بە نزیکەى 20 ئۆتۆمبیل دەبوون و زیاتر لە 80 چەکدار، هەڵیان کوتایە سەر بارەگای سریەیەکى سەر بە هێزەکانى فیرقەى دووى سوپاى عیراق لە نزیک گوندى عەین جەحش سەر بە شارۆچکەى حەمام عەلیل لە باشورى موسڵ و بە چەکى سوک و قورس وەکو دۆشکە و ئارپێجى هێرشى سەر ئەو بارەگایەیان کرد.
سەرچاوەکەى پۆلیس گوتى 15 سەرباز لەو هێرشەدا کە دوو ئەفسەر بە پلەکانى نەقیب و مولازم لە نێویاندا بوون کوژران و دواتریش هەر لەو شوێنە سەریانبڕیون. ئاماژەى بەوەش کرد چەکدارانى هێرشبەر کەل‌وپەل و چەک و تەفەمەنى و ئۆتۆمبیلى سەربازى ناو بارەگاکەیان بردووە و دواى خۆشیان بیناى بارەگاکەیان سوتاندووە.
هاوکات بەپێى بەیاننامەیەکى سەرکردایەتى عەمەلیاتى هاوبەشى موسڵ کەوا دواى ڕووداوەکە هێزەکانیان رووبەرووى چەکداران بوونەتەوەو توانیویانە 17 چەکدارى سەر بە داعش بکوژن و 6 ى دیکەش بە بریندارى دەستگیر بکەن.
لاى خۆشیەوە و لە لێدوانێکیدا بۆ دەنگى ئەمریکا دکتۆر سەلاحەدین زەنون سەرۆکى فەرمانگاى گشتى تەندروستى نەینه‌وا ڕایگەیاند کەوا تەرمى 11 لەو سەربازانە بە سەربڕاوى و 4 بریندار گەیشتۆتە یەکەى پزیشکى دادوەرى و لە ئێستاشدا ئەوان سەرقاڵى رادەستکردنەوەى تەرمەکانن بۆ دەست کەس و کاریان.
XS
SM
MD
LG