Accessibility links

ئه‌فسه‌رێـکی ئاسایشی سیاسی یه‌مه‌ن به‌ بۆمبێـکی چێنراو به‌ ئۆتۆمبیله‌که‌ی ده‌کوژرێت

  • VOA News

کاربه‌ده‌سـتانی ئاسایشی یه‌مه‌ن ده‌ڵێن بۆمبێـک که‌ به‌ ئۆتۆمبیلی ئه‌فسه‌رێـکی ده‌زگای ئاسایشی سیاسی کرابوو ته‌قیوه‌ته‌وه‌ و له‌ ئاکامدا ئه‌فسه‌ره‌که‌ گیانی له‌ده‌سـتداوه‌.
کاربه‌ده‌سـتان گوتیان ڕۆژی یه‌کشه‌ممه‌ بۆمبه‌که‌ به‌ ئۆتۆمبیلی عه‌قید محه‌مه‌د فازڵ سه‌عید ته‌قیوه‌ته‌وه‌ له‌و ده‌مه‌ی به‌ شه‌قامی زوبێری نزیک وه‌زاره‌تی نه‌وت له‌ سه‌نعای پایته‌خت تێپه‌ڕ ده‌بوو.
هه‌روه‌ها ته‌قینه‌وه‌که‌ شۆفێره‌که‌شی به‌ سه‌ختی بریندارکردووه‌ له‌گه‌ڵ دوو که‌سی ڕێبوار که‌ یه‌کێـکیان پـیاوێـکی به‌ ته‌مه‌نه‌ و له‌ ڕووداوه‌که‌دا قاچێـکی په‌ڕیوه‌.
هه‌تا ئاماده‌کردنی ئه‌م هه‌واڵه‌ که‌س به‌رپـرسیارێتی خۆی له‌ ته‌قینه‌وه‌که‌ ڕانه‌گه‌یاندووه‌، به‌ڵام کاربه‌ده‌سـتان له‌و بڕوایه‌دان تاقمه‌کانی سه‌ر به‌ ئه‌لقاعیده‌ له‌ پشـت هێرشه‌که‌وه‌ بن.
XS
SM
MD
LG