Accessibility links

خۆپیشانده‌ران له‌ سه‌راییڤۆ گڕ له‌ باڵه‌خانه‌ حکومییه‌کان به‌رده‌ده‌ن


خۆپیشانده‌ران باڵه‌خانه‌‌ حکومییه‌کانیان له‌ سه‌رایڤۆ کرده‌ ئامانج به‌ باڵه‌خانه‌ی ئۆفیسی سه‌رۆکایه‌تیشه‌وه‌ له‌ کاتێکدا ناڕه‌زاییان نیشان ده‌دا له‌سه‌ر وه‌ڵامی سیاسی بۆ ڕێژه‌ی زۆری بێکاری و هه‌ژاری له‌ وڵاته‌که‌دا.
مه‌زه‌نده‌ ده‌کرێت ڕێژه‌ی بێکاری له‌ بۆسنیا زیاتر بێت له‌ %25.
ئیمیر کۆلیک که‌ دانیشتویه‌کی شاری سه‌راییڤۆیه‌ ده‌ڵێت "ئه‌وه‌ی له‌ چه‌ند ڕۆژی ڕابوردوودا ڕوویداوه ڕه‌نگدانه‌وه‌ی سیاسه‌ته‌ تاوانبارانه‌که‌ی ده‌سه‌ڵاته‌ که‌ بۆ ماوه‌ی 20 ساڵه‌ فه‌رمانڕه‌وایه‌تی ئه‌م وڵاته‌ ده‌که‌ن. پێویسته‌ ده‌ست به‌جێ له‌سه‌ر ده‌سه‌ڵات لادرێن تا ئه‌م وڵات به‌ره‌وپێش بڕوات. ئه‌گینا بارودۆخه‌که‌ خراپتر ده‌بێت".
ئه‌و پۆسته‌رانه‌ی که‌ له‌ هه‌فته‌ی ڕابوردوودا له‌ سه‌رانسه‌ری بۆسنیا- هه‌رزه‌گۆڤینیا بڵاو کرایه‌وه‌ تیایدا حکومه‌ت به‌ گه‌نده‌ڵیش تاوانبار کراوه‌.
به‌ڵام هه‌مو که‌سێک له‌گه‌ڵ ئه‌وه‌دا نییه‌ که‌ ڕووبه‌ڕووبونه‌وه‌ی پۆلیس و گڕبه‌ردان له‌ باڵه‌خانه‌کان ڕێگایه‌کی باش بێت بۆ به‌ره‌وپێشچوونی ڕه‌وشه‌که‌یان.
حه‌سه‌ن مه‌ساک که‌ دانیشتویه‌کی تری سه‌رایڤۆیه‌ ده‌ڵێت ئه‌م کردارانه‌ هێچ شتێک چاره‌سه‌رناکات جارێکی تر هاووڵاتیان ده‌بێت باجه‌که‌ی بده‌ن.
XS
SM
MD
LG