ته‌قینه‌وه‌یه‌کی خۆکوژی له‌ به‌یرووت برینداربوونی 6 که‌سی لێده‌که‌وێته‌وه‌

خۆکوژێـک خۆی له‌ نێو پاسێـکی بچوکدا ته‌قانده‌وه‌ له‌ ناوچه‌ی شوێفاتی باشوری به‌یرووتی پایته‌ختی لوبنان و له‌ ئاکامدا به‌ لایه‌نی که‌م 6 که‌س برینداربوون.
ته‌قینه‌وه‌که‌ شه‌وی دووشه‌ممه‌ ڕوویدا له‌ ده‌می قه‌ره‌باڵغی شه‌قامه‌که‌دا.
به‌پـێی لێـدوانی کاربه‌ده‌سـتێـکی ئاسایش بۆ ئاژانسی ده‌نگ‌وباسی ئه‌سۆشیه‌تد پـرێس، یه‌ک له‌ برینداره‌کان گوتویه‌تی خۆکوژه‌که‌ کاتێـک سه‌رکه‌وتووه‌ته‌ پاسه‌که‌ ویسـتوویه‌تی دڵنیابـبێت ئایا پاسه‌که‌ به‌ره‌و ناوچه‌یه‌کی شیعه‌ ده‌ڕوات یان نا.
شوێفات به‌ ناوچه‌یه‌کی دورزی ناسراوه‌، به‌ڵام له‌ پاڵ ناوچه‌یه‌کی زۆرینه‌ شیعه‌دایه‌.