Accessibility links

قاعیده‌ نکوڵی ده‌کات له‌وه‌ی په‌یوه‌ندی به‌ داعشه‌وه‌ هه‌بێت

  • VOA News

له‌ به‌یانـنامه‌یه‌ک که‌ ڕۆژی دووشه‌ممه‌ له‌سه‌ر ماڵپه‌ڕه‌کانی سه‌ر به‌ ئه‌لقاعیده‌ بڵاوکراوه‌ته‌وه‌، نووسراوه‌ قاعیده‌ په‌یوه‌ندی به‌ کۆمه‌ڵی ده‌وڵه‌تی ئیسلامی له‌ عێراق و شام (داعش) نیـیه‌.
به‌پـێی به‌یانـنامه‌که‌ داعش له‌ کاتی دامه‌زراندنیدا سه‌رکردایه‌تی گشـتی قاعیده‌ی ئاگادار نه‌کردووه‌ته‌وه‌ و پاشـان کاری به‌ فه‌رمانه‌کانی نه‌کردووه‌ و هه‌روه‌ها ڕاوێژکاریشی پـێ نه‌کردووه‌.
له‌ درێژه‌ی به‌یانـنامه‌که‌دا نووسراویشه‌‌ داعش باڵێـکی قاعیده‌ نیـیه‌ و هیچ په‌یوه‌ندیـیه‌کی ڕێـکخراوی پـێوه‌ نیـیه‌، بۆیه‌ قاعیده‌ له‌ ڕه‌فتاره‌کانی به‌رپـرسیار نیـیه‌.
جێی ئاماژه‌یه‌ مانگی ڕابردوو ئه‌یمه‌ن ئه‌لزه‌واهیری ڕێبه‌ری ئه‌لقاعیده‌ له‌ په‌یامێـکی ده‌نگیدا که‌ له‌سه‌ر ئنته‌رنێت بڵاوکرایه‌وه‌، داوای ڕاگرتنی شه‌ڕه‌کانی نێوان لایه‌نه‌کانی ئۆپـۆزسیۆنی سوریا کرد.
له‌م مانگانه‌ی دوایی به‌ ده‌یان که‌س له‌ شه‌ڕی نێوان داعش و لایه‌نه‌کانی ئۆپـۆزسیۆنی سوریا به‌ کۆمه‌ڵه‌ ئیسلامیـیه‌کانیشـیه‌وه‌ کوژران.
XS
SM
MD
LG