Accessibility links

ئاشتۆن: زلهێزانی جیهان و ئێران له‌ 18 ی مانگی دوو وتووێژه‌کانیان ده‌سـتپـێده‌که‌نه‌وه‌

  • VOA News

کاثرین ئاشـتۆن به‌رپـرسی سیاسه‌تی ده‌ره‌وه‌ی یه‌کێـتی ئه‌وروپا ده‌ڵێت شه‌ش زلهێزه‌که‌ی جیهان و ئێران له‌ 18 ی مانگی دوو له‌ ڤیه‌نـنا وتووێژه‌کانیان ده‌سـتپـێده‌که‌نه‌وه‌ به‌ مه‌به‌سـتی گه‌یشتن به‌ ڕێـکه‌وتنێـکی کۆتایی سه‌باره‌ت به‌ به‌رنامه‌ ناوکیـیه‌که‌ی ئێران.
ئاشتۆن ڕۆژی هه‌ینی ئه‌مه‌ی ڕاگه‌یاند له‌ پاش وتووێژه‌کانی له‌گه‌ڵ محه‌مه‌د جه‌واد زه‌ریف وه‌زیری ده‌ره‌وه‌ی ئێران له‌ په‌راوێزی کۆنگره‌ ئاسایشیـیه‌ نێوده‌وڵه‌تیـیه‌که‌ی له‌ شـاری میونیخی ئه‌ڵمانیا به‌ڕێوه‌ده‌چێت. گوتی له‌گه‌ڵ زه‌ریفدا ڕێـکه‌وتوون له‌ 18 ی مانگی دوو له‌ ئۆفیسی نه‌ته‌وه‌ یه‌کگرتووه‌کان له‌ ڤیه‌نـنا کۆبـبنه‌وه‌.
له‌ ئێسـتادا به‌پـێی ڕێـکه‌وتنـنامه‌یه‌کی کاتی بۆ شه‌ش مانگ ئێران هه‌ندێـک له‌ کاره‌ هه‌ستیاره‌کانی به‌رنامه‌ ناوکیـیه‌که‌ی ڕاده‌گرێت له‌ به‌رامبه‌ر سووکردنی به‌شێـک له‌ سزا ئابوریـیه‌کانی ئه‌مه‌ریکا و ئه‌وروپا به‌سه‌ریدا سه‌پاندوویانه‌.
XS
SM
MD
LG