Accessibility links

وتووێژه‌کانی پاش نێوه‌ڕۆی سێشه‌ممه‌ی نێوان هه‌ردوو شـاندی حکومه‌ت و ئۆپـۆزسیۆنی سوریا هه‌ڵوه‌شـایه‌وه‌

  • VOA News

گوته‌بێژی ئه‌خزه‌ر ئه‌لئیبراهیمی ناوبژیوانی نێوده‌وڵه‌تی بۆ قه‌یرانی سوریا ڕایگه‌یاند ئه‌و دانیشـتنه‌ هه‌ڵوه‌شـایه‌وه‌ که‌ بڕیاربوو پاش نێوه‌ڕۆی سێشه‌ممه‌ بۆ هه‌ردوو شـاندی حکومه‌ت و ئۆپـۆزسیۆنی سوریا سـازبکرێت له‌ باره‌گای نه‌ته‌وه‌ یه‌کگرتووه‌کان له‌ ژنێڤ‌.
خانم کۆرین مۆمال ڤانیان ئه‌مه‌ی ڕاگه‌یاند و گوتی ئیبراهیمی به‌ نیازه‌ شه‌وی سێشه‌ممه‌ له‌ کۆنگره‌یه‌کی ڕۆژنامه‌وانی لێدوان له‌ باره‌ی وتووێژه‌کانه‌وه‌ بدات.
ڕیما فلێحان ئه‌ندامی شـاندی ئۆپـۆزسیۆن گوتی ئیبراهیمی کۆتایی به‌ دانیشتنه‌کانی ئه‌مڕۆ هێنا، چونکه‌ هێشـتا شـاندی ڕژێم به‌ ده‌نگ داواکان نه‌هاتووه‌ بۆ لابردنی گه‌مارۆی سه‌ر شـاری حومس و مه‌سه‌له‌ی پـێـکهێنانی حکومه‌تی قۆناغی گواستنه‌وه‌.
له‌ لایه‌کی دیکه‌وه‌ ئه‌حمه‌د جقل ئه‌ندامێـکی دیکه‌ی شـاندی ئۆپـۆزسیۆن به‌ ئاژانسی ده‌نگ‌وباسی ڕۆیته‌رزی گوتووه‌ ئیبراهیمی بۆیه‌ کۆبوونه‌وه‌که‌ی هه‌ڵوه‌شـاندووه‌ تاوه‌کو بوار به‌ ئیبراهیم جه‌عفه‌ری گه‌وره‌ وتووێژه‌کاری شـاندی حکومه‌ت بدات بیرێـک له‌ مه‌سه‌له‌ی حکومه‌تی قۆناغی گواستنه‌وه‌ بکه‌نه‌وه‌.
XS
SM
MD
LG