Accessibility links

له‌ پـێـکدادانی نێوان خۆپـیشـانده‌ران و هێزه‌کانی پـۆلیس له‌ ئۆکرانیا 3 که‌س ده‌کوژرێن


کاربه‌ده‌سـتان له‌ ئۆکرانیا ده‌ڵێن له‌ نوێترین پـێـکدادانی نێوان خۆپـیشـانده‌رانی دژه‌ حکومه‌ت و هێزه‌کانی پـۆلیس له‌ کیڤی پایته‌خت 3 خۆپـیشـانده‌ر کوژراون.
به‌ پـێی هه‌واڵه‌کان 2 له‌و خۆپـیشـانده‌رانه‌ به‌ گولـله‌ برینداربووبوون. کاربه‌ده‌سـتێـکی ته‌ندروسـتیش گوتی چالاکوانێکیش له‌ بینایه‌ک له‌ به‌رزایی 10 مه‌تر به‌ربووه‌ته‌وه‌ و گیانی له‌ده‌سـتداوه‌.
پـێـکدادانه‌کانی ڕۆژی چوارشه‌ممه‌ له‌وه‌وه‌ ده‌سـتپـێـکرد که‌ هێزه‌کانی پـۆلیس به‌ گازی فرمێسک ڕێژ هه‌وڵیان دابوو بڵاوه‌ به‌ خۆپـیشـانده‌ران بکه‌ن له‌ ناوچه‌یه‌ک که‌ لێی گردبووبوونه‌وه‌ و خۆپـیشـانده‌رانیش به‌ به‌رد و بۆمبی مۆلۆتۆڤ ڕووبه‌ڕوویان بوونه‌وه‌.
له‌ لایه‌کی دیکه‌وه‌ باڵیۆزخانه‌ی ئه‌مه‌ریکا ڕۆژی چوارشه‌ممه‌ به‌یانـنامه‌یه‌کی ده‌رکرد و تیایدا نووسیویه‌تی ڤیزای ئه‌مه‌ریکای بۆ ژماره‌یه‌ک ئۆکرانی هه‌ڵوه‌شـاندووه‌ته‌وه‌ که‌ ده‌سـتیان له‌ توندوتیژیه‌کاندا هه‌یه‌. به‌ڵام ناوه‌کانیانی ئاشکرا نه‌کردن.
XS
SM
MD
LG