Accessibility links

سه‌رۆک ئۆباما و سه‌رۆکی ڕووسیا به‌ ته‌له‌فون وتووێژده‌که‌ن

  • VOA News

سه‌رۆکی ئه‌مه‌ریکا براک ئۆباما و سه‌رۆکی ڕووسیا ڤلادیمیر پـوتن به‌ ته‌له‌فون سه‌باره‌ت به‌ قه‌یرانی سوریا و بابه‌تی دیکه وتووێژیان کرد.
کرملێن ڕایگه‌یاند ڕۆژی سێشه‌ممه‌، واته‌ ڕۆژێـک به‌ر له‌ ده‌سـتپـێـکردنی کۆنگره‌ی ژنێڤ 2 له‌ شـاری مۆنتروی سویسرا، هه‌ردوو سه‌رۆک تاووتوێی مه‌سه‌له‌ی سوریایان کرد و به‌ تایبه‌تی کارنامه‌ی کۆنگره‌که‌.
هه‌روه‌ها باسیان له‌ بابه‌تی دیکه‌ کردووه‌، له‌وانه‌ جێبه‌جێـکردنی ئه‌و ڕێـکه‌وتنه‌ی له‌ مانگی یازده‌ی سـاڵی ڕابردوو شه‌ش زلهێزه‌که‌ی جیهان و ئێران له‌مه‌ڕ به‌رنامه‌ ناوکیـیه‌که‌ مۆریان کرد. پاشان له‌ به‌شێـکی وتووێژه‌که‌یاندا ڕاوبۆچوونیان ئاڵوگۆڕکردووه‌ سه‌باره‌ت به‌ په‌یوه‌ندیـیه‌کانی نێوان ئه‌مه‌ریکا و ڕووسیا له‌ بواره‌کانی ئابوری و بازرگانی.
XS
SM
MD
LG