Accessibility links

به‌ڕێوه‌به‌رایه‌تی ناوچه‌ی جه‌زیره‌ی کوردی سوریا ڕاده‌گه‌یه‌نرێت

  • VOA News

ناوچه‌ی جه‌زیره‌ی کوردی سوریا به‌ڕێوه‌به‌رایه‌تی خۆی ڕاگه‌یاند که‌ پـێکهاتووه‌ له‌ 22 وه‌زیر و سه‌رۆک و دوو جێـگر.
به‌ڕێوه‌به‌رایه‌تیـیه‌که‌ ڕۆژی سێشه‌ممه‌ له‌ شـاری عاموده‌ ڕاگه‌یه‌ندرا و بڕیاره‌ ناوه‌نده‌که‌ی له‌ شـاری قامیشلو بـبێت و هه‌رسێ زمانی کوردی و عه‌ره‌بی و سریانی زمانی فه‌رمی ببن.
پارێزه‌ر ئه‌که‌رم حه‌سۆ که‌ کورده‌ و ئه‌ندامی ئه‌نجومه‌نی نیشـتیمانی کوردی سوریایه‌ سه‌رۆکایه‌تی ده‌کات و هه‌ریه‌ک له‌ ئه‌لیزابێث کوریه‌ که‌ سریانه‌ و دکتۆر حسێن عه‌زام له‌ نه‌ته‌وه‌ی عه‌ره‌ب جێـگری ده‌که‌ن.
چاوه‌ڕوان‌ده‌کرێت ئه‌م ڕاگه‌یاندنه‌ ڕێگه‌ خۆشکه‌ربێت له‌ به‌رده‌م ڕاگه‌یاندنی به‌ڕێوه‌به‌رایه‌تی هه‌ردوو ناوچه‌که‌ی تری کوردی سوریا که‌ بریتین له‌ کۆبانی و عه‌فرین.
XS
SM
MD
LG