Accessibility links

باڵیۆزی عێراق له‌ ئه‌مه‌ریکا: ئێمه‌ پابه‌ند نین ته‌نها له‌گه‌ڵ یه‌ک لایه‌ندا په‌یوه‌ندیمان هه‌بێت


چه‌ند ڕۆژێک پاش ئه‌وه‌ی چه‌کدارانی ئه‌لقاعیده‌ ئاڵای خۆیان له‌سه‌ر باڵه‌خانه‌ حکومییه‌کانی فه‌لوجه‌ به‌رز کرده‌وه‌ له‌ وتووێژێکدا له‌گه‌ڵ به‌شی فارسی ده‌نگی ئه‌مه‌ریکا لوقمان فه‌یلی باڵیۆزی عێراق له‌ ئه‌مه‌ریکا ڕایگه‌یاند ، ده‌ستگرتن به‌سه‌ر فه‌لوجه‌ و چه‌ند به‌شێکی تری پارێزگای ئه‌نبار له‌لایه‌ن تیرۆرستانه‌وه‌ بارودۆخێکی ته‌نگه‌تاوی بۆ حکومه‌تی عێراق دروست کردووه‌.
باڵیۆز لوقمان فه‌یلی ده‌ڵێت " ئێمه‌ پابه‌ند نین به‌ کارکردن ته‌نها له‌گه‌ڵ یه‌ک هاوپه‌یماندا، جا چ ئێرانیه‌کان بن، ئه‌مه‌ریکاییه‌کان بن و یان ڕوسییه‌کان و فه‌ڕه‌نسییه‌کان بن".
کۆشکی سپی داوای هاوکاری له‌شکری بۆ عێراق کردووه‌ به‌ڵام یاسادانه‌ران هێشتا ناردنی هه‌لیکۆپته‌ری جۆری ئه‌پاچییان بۆ عێراق په‌سه‌ند نکردووه‌.
یاسادانه‌ران ده‌یانه‌وێت دڵنیابن له‌وه‌ی ئه‌و فڕۆکانه‌ دژ به‌ هاووڵاتیانی عێراقی به‌کار نه‌یه‌ن له‌و وڵاته‌ی که‌ به‌هۆی ناکۆکی سیاسی دابه‌ش بووه‌.
XS
SM
MD
LG