چالاکوانانی سوریا: نزیکه‌ی 500 که‌س به‌هۆی‌ شه‌ڕی نێوان چه‌کدارانی ئۆپـۆزسیۆن و داعش کوژراون

کۆمه‌ڵه‌ی چاودێری مافه‌کانی مرۆڤی سوریا ده‌ڵێت ئه‌و شه‌ڕه‌ی بۆ ماوه‌ی هه‌فته‌یه‌که‌ له‌ باکوری سوریا هه‌ڵگیرسـاوه‌ له‌ نێوان چه‌کدارانی ئۆپـۆزسیۆن و کۆمه‌ڵه‌ی ناسراو به‌ ده‌وڵه‌تی ئیسلامی له‌ عێراق و شام (داعش) بووه‌ته‌ مایه‌ی کوژرانی نزیکه‌ی 500 که‌س.
کۆمه‌ڵه‌که‌ ده‌ڵێت به‌پـێی ئاماره‌کان 240 چه‌کداری ئۆپـۆزسیۆن و 157 چه‌کداری داعش له‌گه‌ڵ 85 که‌سی سیڤیل به‌هۆی ئه‌و شه‌ڕه‌وه‌ کوژراون.
شه‌ڕه‌که‌ چوار پارێزگای له‌ باکوری سوریا گرتووه‌ته‌وه‌.