Accessibility links

په‌یامنێرێـکی که‌ناڵی ته‌له‌فیزیۆنی حزبوڵڵای لوبنان گیانی له‌ده‌سـت‌ده‌دات

  • VOA News

په‌یامنێرێـکی که‌ناڵی ته‌له‌فیزیۆنی ئه‌لمه‌ناری حزبوڵڵای لوبنان گیانی له‌ده‌سـت دا به‌هۆی سه‌ختی ئه‌و برینه‌ی له‌ ئاکامی ته‌قینه‌وه‌که‌ی ڕۆژی پـێنجشه‌ممه‌ی ناوچه‌ی حاره‌ت حریکی باشوری به‌یرووت دووچاری بووبوو.
که‌ناڵی ئه‌لمه‌نار ڕایگه‌یاند عه‌باس که‌رنیب که‌ بۆ ماوه‌ی بیست سـاڵ کاری له‌گه‌ڵ کردبوون، ڕۆژی دووشه‌ممه‌ له‌ ته‌مه‌نی 52 سـاڵی له‌ نه‌خۆشـخانه‌یه‌کی شـاری به‌یرووت گیانی له‌ده‌سـت دا.
به‌مه‌ش ژماره‌ی کوژراوانی ئه‌و ته‌قینه‌وه‌ خۆکوژیـیه‌ گه‌یشته‌ 5 که‌س.
هه‌روه‌ها له‌و ته‌قینه‌وه‌یه‌ ده‌یان که‌سی دیکه‌ برینداربوون. کۆمه‌ڵێـکی سه‌ر به‌ ئه‌لقاعیده‌ به‌رپـرسیارێتی خۆی لێ ڕاگه‌یاند و ده‌ڵێت له‌ تۆڵه‌ی ده‌سـتێوه‌ردانی حزبوڵڵایه‌ له‌ سوریا.
عه‌باس که‌رنیب له‌ دوای خۆی ژنێـک و 4 منداڵی جێهێشتووه‌.
XS
SM
MD
LG