Accessibility links

ڕۆیته‌رز: هه‌رێمی کوردسـتانی عێراق بۆ یه‌که‌م جار نه‌وتی خاوی شێخان هه‌نارده‌ ده‌کات

  • VOA News

ئاژانسی ده‌نگ‌وباسی ڕۆیته‌رز ده‌ڵێت به‌پـێی سه‌رچاوه‌کانی که‌رتی نه‌وت و بازرگانان، هه‌رێمی کوردسـتانی عێراق ده‌سـتیکردووه‌ به‌ هه‌نارده‌کردنی نه‌وتی خاوی گێڵگه‌ی شێخان بۆ بازاڕه‌کانی جیهان له‌ ڕێـگه‌ی تورکیاوه‌.
ئاژانسه‌که‌ ده‌شڵێت نه‌وته‌که‌ به‌ تانکه‌ر بۆ تورکیا ده‌گوازرێته‌وه‌ و کۆمپانیای بازرگانی پاوه‌رترانس ئه‌و کاره‌ ده‌کات و بڕیاره‌ له‌ 6 بۆ 10 ی مانگی یه‌ک 30 تۆن له‌و نه‌وته‌ هه‌نارده‌ بکرێت.
سه‌رچاوه‌یه‌کیش گوتویه‌تی نه‌وته‌که‌ له‌ ڕێگه‌ی به‌نده‌ری Dortyol ی نزیک شاری ئیسکه‌نده‌رونه‌وه‌ بۆ که‌شتی بارده‌کرێت، به‌ڵام نازانرێت دوا کڕیار کێـیه‌.
جێی ئاماژه‌یه‌ کێڵگه‌ی نه‌وتی شێخان کۆمپانیای گۆڵف کیستۆن Gulf Keystone به‌ڕێوه‌ی ده‌بات و کۆمپانیای MOL ی هه‌نگاری به‌ ڕێژه‌ی 20% به‌شی تیادا هه‌یه‌. له‌ مانگی حه‌وتی ساڵی 2013 نه‌وت له‌و کێڵگه‌یه‌ به‌رهه‌م ده‌هێنرێت و له‌ ئێسـتادا ده‌توانرێت ڕۆژانه‌ 10 هه‌زار بۆشکه‌ نه‌وت هه‌نارده‌ بکات و چاوه‌ڕوان‌ده‌کرێت له‌ سه‌ره‌تای سـاڵی 2014 بگاته‌ 40 هه‌زار بۆشکه‌ نه‌وت له‌ ڕۆژێـکدا.
XS
SM
MD
LG