Accessibility links

ئیسرائیل 26 به‌ندکراوی دیکه‌ی فه‌ڵه‌سـتینی ئازاد ده‌کات


له‌ چوارچێوه‌ی ڕێـکه‌وتنێـکی نێوان ئیسرائیل و فه‌ڵه‌سـتینیـیه‌کان بۆ ده‌سـتپـێـکردنه‌وه‌ی وتووێژه‌کانی ئاشـتی نێوانیان، ئیسرائیل 26 به‌ندکراوی دیکه‌ی فه‌ڵه‌سـتینی ئازادکرد که‌ زیندانیکرابوون له‌سه‌ر هێرشی کوشنده‌ بۆ سه‌ر هاوڵاتیانی سیڤیلی ئیسرائیلی.
خه‌ڵـکی له‌ که‌ناری ڕۆژئاوا و که‌رتی غه‌ززه‌ ڕۆژی سێشه‌ممه‌ به‌ ئاهه‌نگ گێڕانه‌وه‌‌ پـێشـوازیـیان له‌و ئازادکراوه‌کان‌ کرد.
مه‌حمود عه‌باس سه‌رۆکی فه‌ڵه‌سـتینیـیه‌کان له‌گه‌ڵ ژماره‌یه‌ک کاربه‌ده‌سـتی دیکه‌ له‌ ڕامه‌ڵڵا پـێشـوازیـیان له‌ کۆمه‌ڵێـکیان کرد. به‌ڕێز عه‌باس له‌وێ به‌ڵێنی دا گوشاری زیاتر بخاته‌ سه‌ر ئیسرائیل تاوه‌کو به‌ندکراوی دیکه‌ ئازادبکرێن و گوتی ڕێـکه‌وتنی کۆتایی ئاشتی مۆر ناکه‌ن هه‌تا ئه‌و ده‌مه‌ی هه‌موو به‌ندکراوه‌کان ئازاد نه‌کرێن.
XS
SM
MD
LG