Accessibility links

خۆپیشانده‌رانی تورکیا داوای ده‌ست له‌ کارکێشانه‌ویه‌ سه‌رۆک وه‌زیری وڵات ده‌که‌ن

  • VOA News

ڕه‌جه‌ب ته‌یب ئۆردوغانی سه‌رۆک وه‌زیری تورکیا داواکاری ده‌ست له ‌کارکێشانه‌وه‌ی ڕه‌تده‌کاته‌وه‌، سه‌ره‌ڕای زیاد بوونی خۆپیشاندانه‌کان له‌ دژی ئه‌وه‌ی گوایه‌ به‌ڕێوه‌به‌رایه‌تییه‌که‌ی گه‌نده‌ڵه‌.
ڕۆژی هه‌ینی پۆلیسی دژه‌ ئاژاوه‌ی تورکیا گازی فرمێسک ڕژێن و هێزی ئاویان به‌کار هێنا بۆ بڵاوه‌ پێکردنی خۆپیشانده‌رانی دژه‌ حکومه‌ت له‌ ناوه‌ندی ئه‌سته‌نبوڵ.
خۆپیشانده‌ران له‌ چه‌ندین شاری تورکیا ناڕه‌زاییان ده‌ربڕی، له‌ ناویاندا ئانکه‌ره‌ی پایته‌ختیش، خۆپیشانده‌ران داوای ده‌ستله‌کار کێشانه‌وه‌ی ڕه‌جه‌ب ته‌یب ئۆردوغان ده‌که‌ن، که‌ حکومه‌ته‌که‌ی به‌ په‌وه‌ندی هه‌بونی به‌ گواستنه‌وه‌ی پاره‌ به‌ شیوه‌یه‌کی نایاسایی تاوانبار کراوه‌.
زیاتر له‌ 20 که‌س که‌ کاربه‌ده‌سته‌ باڵاکانی حکومه‌ت وخزمه‌کانیشیانی تێدابووه‌ به‌ تاوانی گه‌نده‌ڵی ده‌ستگیر کراون.
ئه‌م شه‌رمه‌زارییه‌ بووه‌ هۆی فشار خستنه‌ سه‌ر به‌ڕێر ئۆردوغان تا گۆڕانکاری له‌ حکومه‌ته‌که‌یدا بکات.
ڕۆژی هه‌ینی دادگایه‌کی تورکیا ڕێگای نه‌دا به‌ حکومه‌ت بۆ گۆڕانکاری له‌ ریگاکانی لێکۆلینه‌وه‌ له‌ سه‌ر گه‌نده‌ڵی.
XS
SM
MD
LG