Accessibility links

کارمه‌ندێکی ته‌ندروستی له‌ پاکستان ده‌کوژرێت


کاربه‌ده‌ستان له‌ باکوری پاکستان ڕاده‌گه‌ێنن چه‌کداران هێرشیان کردووه‌ته‌ سه‌ر بنکه‌ی کوتان دژ به‌ ڤایرۆسی پۆلیۆ و کارمه‌ندێکی ته‌ندروستیان تیایدا کوشتووه‌.
کاربه‌ده‌ستان ده‌ڵێن به‌لایه‌نی که‌م که‌سێکی تریش له‌م هێرشه‌ی ڕۆژی شه‌ممه‌دا بریندار بووه‌ که‌ له‌ ناوچه‌یه‌کی دووره‌ ده‌ستی پیشاوه‌ر، پایته‌ختی هه‌رێمی خه‌یبه‌ر په‌خته‌نخوا ڕوویدا.
هه‌تا ئاماده‌کردنی ئه‌م هه‌واڵه‌ هیچ لایه‌نێک به‌رپرسیارێتی خۆی له‌ هێرشه‌که‌ نه‌گه‌رتۆته‌ ئه‌ستۆ. به‌ڵام زۆربه‌ی جار ملیتانه‌کان له‌ پاکستان هێرش ده‌که‌نه‌ سه‌ر کارمه‌ندانی نه‌خۆشی پۆلیۆ و تاوانباریان ده‌که‌ن به‌وه‌ی ئه‌مانه‌ جاسوسی ڕۆژئاوان و به‌شێکن له‌ پیلانی نه‌زۆک کردنی موسوڵمانان.
جیی باسه‌ نه‌خۆشی پۆلیۆ نه‌خۆشییه‌کی مه‌ترسیداره‌و ده‌بێته‌ هۆی ئیفلیج بوونی هه‌میشه‌یی. ڤایرۆسی پۆلیۆ له‌ سێ وڵاتی جیهاندا وه‌کو نه‌خۆشی ماوه‌ته‌وه‌ ئه‌و وڵاتانه‌ش بریتین له‌ ئه‌فغانستان، نایجیریا و پاکستان.
XS
SM
MD
LG