Accessibility links

بریکاری وه‌زیری به‌رگری عێراق له‌ هه‌وڵێـکی کوشتن ڕزگاری ده‌بێت

  • VOA News

به‌رپـرسـانی عێراق ده‌ڵێن بۆمبێـکی چێندراوی نێو جاده‌ بریکاری وه‌زیری به‌رگری عێراقی کرده‌ ئامانج و له‌ ته‌قینه‌وه‌که‌ بێ زیان ڕزگاری بوو‌، به‌ڵام دووان له‌ پاسه‌وانه‌کانی برینداربوون.
ئه‌فسه‌رێـکی پـۆلیس گوتی سه‌عدون دلێمی له کاروانێـکی شه‌ش ئۆتۆمبیلیدا بوو کاتێـک به‌یانی سێشه‌ممه‌ بۆمبه‌که‌ پـیایاندا ته‌قیبووه‌وه‌ له‌ ده‌ره‌وه‌ی شـاری فه‌لـلوجه‌ی ڕۆژئاوای وڵاته‌که‌. ئه‌فسه‌ره‌که‌ ته‌قینه‌وه‌که‌ی به‌ هه‌وڵێـکی کوشتن پـێناسه‌کرد.
جێی ئاماژه‌یه‌ ئه‌م هێرشه‌ له‌ ده‌مێـکدا کراوه‌ که‌ هێزه‌کانی له‌شـکر و ئاسایشی عێراق ده‌سـتیان کردووه‌ به‌ کرده‌یه‌کی له‌شـکری گه‌وره‌ له‌ دژی حه‌شاره‌گه‌کانی چه‌کدارانی سه‌ر به‌ ئه‌لقاعیده‌ له‌ بیابانی پارێزگای ئه‌نبار له‌ خۆرئاوای وڵاته‌که‌.
XS
SM
MD
LG