Accessibility links

به‌هۆی ناڕه‌زایی و خۆپـیشـاندان ژیانی ئاسایی له‌ بانکۆکی پایته‌ختی تایلاند ده‌وه‌ستێت

  • VOA News

ده‌یان هه‌زار خۆپـیشـانده‌ر ڕۆژی یه‌کشه‌ممه‌ که‌ بوونه‌ مایه‌ی ڕاگرتنی ژیانی ئاسایی له‌ ناوه‌ندی بانکۆکی پایته‌ختی تایلاند، داوای چاکسـازی سیاسی و ده‌ست له‌کارکێشـانه‌وه‌ی سه‌رۆک وه‌زیر خانم ینگلوک شیناواترایان کرد و هه‌روه‌ها دواخسـتنی هه‌ڵبژاردنه‌کانی بڕیاره‌ له‌ مانگی دوو سـازبکرێن.
خۆپـیشـانده‌ران بۆ چه‌ندان هه‌فته‌یه‌ داوا له‌ خانم ینگلوک ده‌که‌ن به‌ر له‌ 2 ی مانگی دوو ده‌سـتبه‌رداری پـۆسته‌که‌ی بـبێت.
خانم ینگلوک ده‌ڵێت پاش هه‌ڵبژاردنه‌کان ئه‌نجومه‌نێـک پـێـکده‌هێنرێت بۆ ئه‌نجامدانی چاکسـازی له‌ وڵاته‌که‌دا، به‌ڵام خۆپـیشـانده‌ران ده‌ڵێن ده‌بێت چاکسـازیـیه‌کان به‌ر له‌ هه‌ڵبژاردنه‌کان ئه‌نجام‌بدرێن.
ڕۆژی شه‌ممه‌ پارتی دیموکرات که‌ پارتی سه‌ره‌کی ئۆپـۆزسیۆنه،‌ بڕیاری بایکۆتکردنی هه‌ڵبژاردنه‌کانی دا تاوه‌کو ئه‌و ده‌مه‌ی چاکسـازیـیه‌کان ده‌کرێن.
خانم ینگلوک له‌ 9 ی مانگی دوازده‌وه‌ په‌رله‌مانی هه‌ڵوشـانده‌وه‌ و بڕیاری دا خۆی وه‌ک سه‌رۆک وه‌زیرێـکی کاتی له‌ پـۆسته‌که‌یدا بمێنێته‌وه‌ هه‌تا هه‌ڵبژاردنی نوێ ده‌کرێت و خه‌ڵـکی تایلاند بڕیاری خۆیان ده‌ده‌ن، به‌ڵام ئۆپـۆزسیۆن هه‌ر له‌سه‌ر داواکه‌ی سووره‌.
به‌ڵێن سـاڵح له‌ به‌شی کوردی ده‌نگی ئه‌مه‌ریکا ڕاپـۆرتێـکی له‌م باره‌یه‌وه‌ ئاماده‌کردووه‌.
XS
SM
MD
LG