Accessibility links

نائارامی پارێزگای حه‌زره‌مه‌وتی یه‌مه‌ن ده‌گرێته‌وه‌ له‌سه‌ر کوژرانی که‌سایه‌تیـیه‌کی خێڵه‌کی


کاربه‌ده‌سـتانی ئاسایش له‌ یه‌مه‌ن ده‌ڵێن هه‌زاران خۆپـیشـانده‌ری دژه‌ حکومه‌ت له‌ پارێزگای حه‌زره‌مه‌وتی باشور وڵاته‌که‌ په‌لاماری ئه‌و بازاڕ و فرۆشـگایانه‌یان داوه‌ که‌ خه‌ڵـکانی باکوری وڵاته‌که‌ خاوه‌نین و هه‌روه‌ها هێزه‌کانی پـۆلیسیان ناچارکردووه‌ له‌ بنکه‌کانیان هه‌ڵبێن و مانگرتنێـکی گشـتیـیان ڕاگه‌یاندووه‌ بۆ ده‌ربڕینی ناڕه‌زایی له‌ به‌رامبه‌ر کوژرانی که‌سایه‌تیـیه‌کی خێڵه‌کی ناوداریان.
ئه‌م نائارامیـیانه‌ ئه‌مڕۆ هه‌ینی ده‌سـتیپـێـکرد و‌ تیایدا 2 که‌سیش کوژران، پاش ئه‌وه‌ بوو که‌ ڕێبه‌رانی خێڵه‌کی له‌ موکه‌لـلای ناوه‌ندی پارێزگای حه‌زره‌مه‌وت داوای مانگرتنێـکی گشـتیـیان کرد.
کاربه‌ده‌سـتان ده‌ڵێن ڕێبه‌رانی خێڵه‌کی داواشیان له‌ خه‌ڵـکی کردووه‌ هه‌رچی پـۆلیس و سه‌ربازه‌ له‌ ناوچه‌که‌یان وه‌ده‌رنێن و پاشـان ده‌ستبگرن به‌سه‌ر داموده‌زگاکانی حکومه‌ت و شـاره‌وانیدا.
جێی ئاماژه‌یه‌ توندوتیژی له‌م پارێزگایه‌ی باشوری یه‌مه‌ن له‌ 2 ی مانگی دوازدهوه‌‌ هه‌ڵگیرسـاوه‌، دوابه‌دوای کوژرانی شێخ سه‌عد بن حه‌مه‌د حه‌بریش له‌ خاڵێـکی پـشـکنینی شـاری سیئون له‌گه‌ڵ دوو که‌سی دیکه‌ که‌ وه‌ک ده‌سه‌ڵاتداران ده‌ڵێن گومانباری سه‌ر به‌ ئه‌لقاعیده‌ بوون.
XS
SM
MD
LG