Accessibility links

ڕووسیا میخائیل خۆدۆرکۆڤیسکیی‌ سه‌رمایه‌دار ئازاد ده‌کات

  • VOA News

گه‌وره‌ سه‌رمایه‌داری نه‌وتی ڕووسیا میخائیل خۆدۆرکۆڤیسکی که‌ بۆ ماوه‌ی زیاتر له‌ 10 سـاڵ بوو له‌ زینداندا بوو به‌ تاوانی پاره‌خواردن و خۆدزینه‌وه‌ له‌ باجدان، ئه‌مڕۆ هه‌ینی ئازادکرا پاش چه‌ند کاژمێرێـک له‌وه‌ی سه‌رۆکی ڕووسیا ڤلادیمیر پـوتن بڕیاری لێبوردنه‌که‌ی مۆرکرد.
پـێشـتر هه‌ر ئه‌مڕۆ ڤلادیمیر پـوتن له‌سه‌ر ماڵپه‌ڕه‌که‌ی گوتبووی له‌به‌ر هۆکاری مرۆیی ئه‌و له‌ سه‌رۆکی پـێشـووی کۆمپانیای نه‌وتی یوکۆس خۆش‌ده‌بێت.
سه‌رۆکی ڕووسیا یه‌که‌م جار ڕۆژی پـێـنجشه‌ممه‌ له‌ کۆنگره‌یه‌کی ڕۆژنامه‌وانی دورودرێژدا که‌ تیایدا له‌سه‌ر چه‌ندین ته‌وه‌ر قسه‌ی کرد، نیازی ئه‌م بڕیاره‌ی خۆی ڕاگه‌یاند و گوتی خۆدۆرکۆڤیسکی بۆ یه‌که‌م جار داوای لێبوردنی کردووه‌ چونکه‌ دایکی نه‌خۆشه‌.
جێی ئاماژه‌یه‌ میخائیل خۆدۆرکۆڤیسکی که‌ ده‌وڵه‌مه‌نترین که‌سی ڕووسیا بوو، ڕه‌خنه‌گرێـکی توندی کرێملین بوو و لایه‌نگرانی به‌ زیندانکراوی سیاسی ناودێریان ده‌کرد.
XS
SM
MD
LG