Accessibility links

دوو منداڵی سوری له‌ لوبنان به‌هۆی ڕووخانی باڵه‌خانه‌یه‌ک گیانیان له‌ده‌سـت ده‌ده‌ن

  • VOA News

میدیای ده‌وڵه‌تی لوبنان و کاربه‌ده‌ستانی شاره‌وانی ده‌ڵێن به‌هۆی ڕووخانی بنمیچی باڵه‌خانه‌یه‌ک له‌ ڕۆژهه‌ڵاتی لوبنان به‌لایه‌نی که‌م دوو منداڵی سوری گیانیان له‌ده‌ستداوه‌.
میدیای هه‌واڵی نیشتیمانی و حه‌سه‌ن ئه‌بو حه‌مدان به‌رپرسی شاره‌وانی شارۆچکه‌ی هه‌زارتا ڕایانگه‌یاند ئه‌و ڕووداوه‌‌ سه‌رله‌به‌یانی ڕۆژی چوارشه‌ممه‌ بووه‌.
ئه‌بو حه‌مدان ده‌ڵێت خێزانی ئه‌و ئه‌و دوو منداڵه‌ (9 سـاڵ و 3 سـاڵ) ، پاش هه‌ڵاتنیان له‌ سوریا به‌هۆی شه‌ڕی ناوخۆی وڵاته‌که‌، ئه‌و خانوه‌یان له‌ هه‌زارتا به‌ کرێ گرتبوو که‌ مه‌رجه‌کانی سه‌لامه‌تی تیادا نه‌بووه‌.
ئه‌م ڕووداوه‌ مه‌ینه‌تی نزیکه‌ی ملیۆنێـک 400 هه‌زار ئاواره‌ی سوری له‌ لوبنان زه‌ق ده‌کاته‌وه‌ که‌ زۆربه‌یان له‌ ژێر ده‌وار و بینای ته‌واونه‌کراو ده‌ژین.
XS
SM
MD
LG