Accessibility links

تورکیا کوڕی سێ وه‌زیر له‌سه‌ر گه‌نده‌ڵی ده‌سـتگیرده‌کات

  • VOA News

ده‌زگاکانی ڕاگه‌یاند له‌ تورکیا ده‌ڵێن پـۆلیس له‌ ئیسته‌نبوڵ و ئانکه‌ره‌ زیاتر له‌ 20 که‌سیان ده‌سـتگیرکردووه‌ له‌ چوارچێوه‌ی لێـکۆڵینه‌وه‌یه‌کی گه‌وره‌ له‌سه‌ر گه‌نده‌ڵی که‌ تیایدا سه‌نگی خراوه‌ته‌ سه‌ر فه‌رمانبه‌ر و کاردارانی گه‌وره‌ و ناسراوی وڵاته‌که‌.
ده‌ڵێن له‌ نێو ئه‌وانه‌ی ده‌سـتگیرکراون دوو یاریده‌ده‌ر و کوڕی وه‌زیری ئابوری زافیر جاگلا‌یان هه‌ن له‌گه‌ڵ کوڕی وه‌زیری ناوخۆ موعه‌مه‌ر گوله‌ر و کوڕی وه‌زیری ژینگه‌ و بیناسازی ئه‌ردۆگان به‌ریقدار.
ئاژانسی ئانادۆلی ده‌ڵێت له‌ لێـکۆڵینه‌وه‌کان سه‌نگی خراوه‌ته‌ سه‌ر کۆمپانیایه‌کی ئاوه‌دانکردنه‌وه‌ له‌ ئیسته‌نبوڵ که‌ هی سه‌رمایه‌دار عه‌لی ئاغا ئۆغڵووه‌. ئاژانسه‌که‌ ده‌شڵێت لێـکۆڵینه‌وه‌ له‌گه‌ڵ عه‌لی ئاغا کراوه‌ و ئۆفیسه‌کانی کۆمپانیاکه‌شی پـشـکێنراون‌.
فه‌رمانڕه‌وای ئیسته‌نبوڵ پشـتڕاستی کرده‌وه‌ پـۆلیس ئه‌و کارانه‌ی کردبێت، به‌ڵام هیچ ورده‌کاری زیاتری نه‌دا.
XS
SM
MD
LG