Accessibility links

ڕێوڕه‌سمێـکی گه‌وره‌ به‌بۆنه‌ی دووه‌م سـاڵیادی مه‌رگی ڕێبه‌ری پـێشـووی کۆریای باکور سـازده‌کرێت

  • Motabar Shirwani

سـاڵێـک به‌سه‌ر مه‌رگی له‌ ناکاوی ڕێبه‌ری پـێشـووی کۆریای باکور تێپه‌ڕ ده‌بێت و به‌و بۆنه‌یه‌ ڕێوڕه‌سمێـکی تایبه‌ت له‌ پایته‌خت سـازده‌کرێت، ئه‌مه‌ش ته‌نها چه‌ند ڕۆژێـک پاش له‌ سێداره‌دانی مێردی پـوری ڕێبه‌ری ئێسـتای ئه‌و وڵاته‌.
سێشه‌ممه‌ له‌ پـیۆنگیانگ به‌ڕێز کیم له‌گه‌ڵ ژماره‌یه‌ک له‌ ڕێبه‌رانی باڵای له‌شـکری و سیاسی وڵات به‌شـداریـیان له‌ ڕێوڕه‌سـمێـکی گه‌وره‌ی دووه‌مین سـاڵیادی مه‌رگی باوکی ڕێبه‌ری پـێشـووی وڵات کیم جۆنگ ئێڵ کرده‌وه‌.
یه‌کێـک له‌ وتارده‌ره‌کان چۆ ڕۆنگ های به‌ڕێوه‌به‌ری به‌شی سیاسی له‌شـکری به‌هێزی وڵات بوو.
ده‌ڵێت " له‌ کاتێـک یادی ژیانی شۆڕشگێڕانه‌ و ده‌سـتکه‌وته‌ فه‌رامۆش نه‌کراوه‌کانی ژه‌نه‌ڕاڵی پایه‌ به‌رز کیم جۆنگ ئێڵ ده‌که‌ینه‌وه‌، خواست و باوه‌ڕیشـمان به‌هێز ده‌که‌ین به‌ بیروبۆچوونه‌کانی ژه‌نه‌ڕاڵی مه‌زن کیم جۆن ئون و ده‌سه‌ڵاتی له‌شـکر به‌ ڕێزگرتن له‌ یه‌که‌م ڕێبازی له‌شـکری شۆڕشگێڕانه‌ی ئه‌و."
هه‌فته‌ی ڕابردوو پـیۆنگیانگ ڕایگه‌یاند جه‌نگ سۆنگ ثایک مێردی پـوری ڕێبه‌ری ئێستای له‌سێداره‌داوه‌.
جه‌نگ تاوانبارکرابوو به‌‌ هه‌وڵدان بۆ ڕووخاندنی حکومه‌ت، گه‌نده‌ڵی، حه‌زلێکردن له‌ ژنان و به‌کارهێنانی به‌نگ و ده‌رمانات.
له‌ مانگی دوازده‌ی سـاڵی 2011 کیمی باوک به‌ شێوه‌یه‌کی چاوه‌ڕێ نه‌کراو مرد و ده‌سه‌ڵاتی بۆ کوڕی گه‌نج و بێ ئه‌زمونی به‌جێهێشت که‌ ئه‌ویش ئاڵوگۆڕی به‌ پـۆسـتی ژماره‌یه‌ک له‌ ڕێبه‌رانی باڵای وڵات کردووه‌ به‌ ئامانجی و مه‌به‌سـتی به‌هێزکردنی پـێـگه‌ و ده‌سه‌ڵاتی خۆی.
XS
SM
MD
LG