Accessibility links

ڕۆژنامه‌وان کاوه‌ گه‌رمیانی له‌ به‌رده‌م ماڵه‌که‌ی له‌ که‌لار ده‌کوژرێت

  • VOA News

چه‌ند چه‌کدارێـکی نه‌ناسراو له‌ شـاری که‌لار چوونه‌ته‌ سه‌ر ماڵی سه‌رنووسه‌ری گۆڤاری ڕایه‌ڵ و په‌یامنێری ئاوێنه‌ کاوه‌ محه‌مه‌د ئه‌حمه‌د ناسراو به‌ کاوه‌ گه‌رمیانی و له‌ به‌رده‌می ده‌رگای ماڵه‌که‌ی کوشتوویانه‌.
به‌پـێی لێـدوانی دایکی شه‌وی پـێـنجشه‌ممه‌ چه‌کدارێـک له‌ ده‌رگای ماڵه‌که‌ی داون و داوای کۆڕه‌که‌ی کردووه‌ و له‌گه‌ڵ گه‌یشـتنی کاوه‌ بۆ به‌رده‌رگا به‌ کلاشینکۆف ته‌قه‌یان لێـکردووه‌ و به‌ سه‌ختی برینداریان کردووه‌ و له‌ ئاکامدا گیانی له‌ده‌سـتده‌دات.
سه‌ردار محه‌مه‌د سه‌رنووسه‌ری ئاوێنه‌، تیرۆرکردنه‌که‌ی به‌ توندی سه‌رزه‌نشت کرد و به‌ تاوانێـکی سیاسی گه‌وره‌ ناودێری کرد و ده‌زگا ئاسایشیـیه‌کان به‌ به‌رپرسیار ده‌زانێت، ده‌ڵێت که‌م ته‌رخه‌م بوون له‌ پاراستنی سه‌لامه‌تی ئه‌م ڕۆژنامه‌نووسه‌.
جێی ئاماژه‌یه‌ کاوه‌ گه‌رمیانی ته‌مه‌ن 31 سـاڵ زۆر جار بابه‌تی له‌سه‌ر گه‌نده‌ڵی بڵاوده‌کردبووه‌وه‌‌ و به‌هۆیه‌وه‌ دووچاری گرتن و لێدانیش بووبوو‌ و به‌ ڕاسته‌وخۆ و ناڕاسته‌وخۆ هه‌ڕه‌شه‌ی لێـکرابوو‌.
بڕیاره‌ ڕۆژی هه‌ینی ڕێوڕه‌سمی به‌خاکسـپاردنی ته‌رمه‌که‌ی به‌ڕێوه‌بچێت.
XS
SM
MD
LG