Accessibility links

چاوه‌ڕوان‌ده‌کرێت سه‌رۆکی کاتی میسر ڕۆژی سێشه‌ممه‌ به‌رنووسی ده‌سـتوری پـێـبگات

  • VOA News

عه‌مر موسا سه‌رۆکی لیژنه‌ په‌نجا ئه‌ندامیـیه‌که‌ی به‌رپـرسه‌ له‌ هه‌موارکردنی ده‌سـتوری میسر، گوتی ئه‌و به‌رنووسی ده‌سـتوره‌ی ڕۆژی یه‌کشه‌ممه‌ لیژنه‌که‌ په‌سه‌ندی کردبوو‌، ڕۆژی سێشه‌ممه‌ ده‌خرێته‌ به‌رده‌م عه‌دلی مه‌نسور سه‌رۆکی کاتی وڵاته‌که‌.
عه‌مر موسا گوتیشی له‌ ماوه‌ی مانگێـکدا ڕاپـرسی گشـتی بۆ به‌رنووسی ده‌سـتوره‌که‌ سـازده‌کرێت.
به‌پـێی به‌رنووسه‌که‌ ده‌شێت هه‌ڵبژاردنی سه‌رۆکایه‌تی به‌ر له‌ هه‌ڵبژاردنی په‌رله‌مانی به‌ڕێوه‌بچێت، ده‌بێت هه‌ڵبژاردنی یه‌که‌م له‌ ماوه‌ی 90 ڕۆژ و دووه‌م له‌ ماوه‌ی شه‌ش مانگ له‌ پاش په‌سه‌ندکردنی به‌رنووسه‌که‌ سـازبکرێن.
ئه‌گه‌ربێت و به‌رنووسه‌که‌ په‌سه‌ند کرا، ئه‌وا له‌شـکر مافی ده‌بێت که‌سـانی سیڤیل دادگایی بکات، ئه‌وانه‌ی هێرش ده‌که‌نه‌ سه‌ر که‌سانی له‌شـکری یان داموده‌زگا له‌شـکریـیه‌کان. هه‌روه‌ها ئیدی نابێت له‌ میسر حزب له‌سه‌ر بنچینه‌ی ئاینی دابمه‌زرێت.
XS
SM
MD
LG