Accessibility links

کۆمپانیای نه‌وتی چین به‌شێـکی پشـکی Exxon Mobil له‌ نه‌وتی قوڕنه‌ی عێراق ده‌کڕێته‌وه‌


کۆمپانیای PetroChina ی ده‌وڵه‌تی چین ده‌ڵێت پـشـکی له‌ پـرۆژه‌ی به‌رهه‌مهێنانی نه‌وتی له‌ یه‌کێـک له‌ کێڵگه‌ نه‌وتیـیه‌ هه‌ره‌ گرنگه‌کانی له‌ عێراق له‌ کۆمپانیای مه‌زنی Exxon Mobil ی ئه‌مه‌ریکایی کڕیوه‌ته‌وه‌‌.
کۆمپانیاکه‌ ڕۆژی پـێـنجشه‌ممه‌ له‌ به‌یانـنامه‌یه‌کدا گوتی کۆمپانیای Exxon Mobil ڕێژه‌ی 25% ی ئه‌و 60% ی پشـکه‌که‌ی خۆی پێ فرۆشتووه‌ له‌ کێڵگه‌ی نه‌وتی قوڕنه‌-1 له‌ پارێزگای به‌سره‌ی باشوری عێراق.
له‌ سـاڵی 2009 به‌ گوێره‌ی سه‌ودایه‌ک له‌گه‌ڵ عێراق، کۆمپانیای Exxon Mobil توانی 60% ی پـشـکی کێڵگه‌که‌ وه‌ربگرێت و کۆمپانیای Royal Dutch Shell 15% و وه‌زاره‌تی نه‌وتی عێراق 25% ، به‌ڵام له‌ سـاڵی 2011 کۆمپانیای Exxon Mobil به‌غدای توڕه‌کرد، کاتێـک یه‌ک لایه‌نه‌ سه‌ودایه‌کی له‌گه‌ڵ هه‌رێمی کوردسـتانی عێراق مۆرکرد به‌ مه‌به‌ستی گه‌ڕان به‌ دوای نه‌وت له‌ ناوچه‌کانی ژێر ده‌سه‌ڵاتی حکومه‌تی هه‌رێم و ئه‌و ناوچانه‌شی ناکۆکیـیان له‌سه‌ره‌.
له‌و ده‌مه‌وه‌ کۆمپانیای Exxon Mobil هه‌وڵی ده‌رچوونی ده‌دا له‌و سه‌ودایه‌ی له‌گه‌ڵ به‌غدا مۆری کردووه‌ تاوه‌کو له‌ بری ئه‌وه‌ سه‌نگی بخاته‌ سه‌ر هه‌رێمی کوردسـتان.
XS
SM
MD
LG