Accessibility links

بولگاریا به‌ربه‌ستێک له‌سه‌ر سنوری تورکیا دروست ده‌کات

  • VOA News

ده‌سه‌ڵاتدارانی بولگاریا ده‌ڵێن ده‌ستیان کردووه‌ به‌ دروستکردنی به‌ربه‌ستێکی 30 کیلۆمه‌تری له‌سه‌ر سنوره‌ 274 کیلۆمه‌تریه‌که‌ی له‌گه‌ڵ تورکیادا وه‌ک هه‌وڵێک بۆ ڕاگرتنی کۆچبه‌ری نایاسایی.

وه‌زیری به‌رگری بولگاریا ئه‌مڕۆ 5شه‌ممه‌ گوتویه‌تی ئه‌و به‌ربه‌سته‌ 3 مه‌تر به‌رزه‌ی ده‌ست به‌ دروستکردنی کراوه‌ وه‌ها پێشبینی ده‌کرێت تا مانگی دووی داهاتوو ته‌واو ببێت.

ئه‌م به‌ربه‌سته‌ له‌و ناوچه‌یه‌ی سنوردا دروست ده‌کرێت که‌ دارستانه‌ و به‌رز و نزمی زۆری تیادایه‌ و ڕێژه‌ی بینین تیایدا زۆر سنورداره‌.

ده‌سه‌ڵاتدارانی بولگاریا ئه‌و گوناهبارکردنانه‌شیان ڕه‌تکردۆته‌وه‌ که‌ مه‌به‌ست له‌ دروستکردنی ئه‌و به‌ربه‌سته‌ سنوریه‌ بۆ ڕێگه‌گرتن بێت له‌ په‌نابه‌رانی سوریا و وڵاتانی تری شه‌ڕیان تیادایه‌ و ده‌یانه‌وێت بگه‌نه‌ ئه‌وروپا.

بو‌لگاریا ژماره‌یه‌کی زۆری کۆچبه‌ران بۆی ده‌چن به‌ شێوه‌یه‌ک زۆر زیاتره‌ له‌ توانایی وڵاته‌که‌.
XS
SM
MD
LG