Accessibility links

چالاکوانانی سوریا: کۆمه‌ڵی سه‌ر به‌ ئه‌لقاعیده‌ شـارۆچکه‌یه‌کی سه‌ر سنووری تورکیا ده‌گرێت


چالاکوانانی سوریا ده‌ڵێن کۆمه‌ڵی ده‌وڵه‌تی ئیسلامی له‌ عێراق و شامی سه‌ر به‌ ئه‌لقاعیده‌ ده‌سـتیان گرتووه‌ به‌سه‌ر شـارۆچکه‌یه‌ک له‌ باکوری وڵاته‌که‌ له‌ نزیک سـنووری تورکیا.
چالاکوانان شه‌وی پـێـنجشه‌ممه‌ گوتیان کۆمه‌ڵه‌ چه‌کداری ناسراو به‌ (داعش) توانیویه‌تی شـارۆچکه‌ی (ئه‌تمه‌) بگرێت، پاش ئه‌وه‌ی یه‌که‌یه‌کی ئیسلامی میانڕه‌وی له‌ شـارۆچکه‌که‌‌ وه‌ده‌رنا.
به‌پـێی چالاکوانان که‌ بۆ ئاژانسی ده‌نگ‌وباسی ڕۆیته‌رز قسه‌یان کردبوو‌، چه‌کدارانی سه‌ر به‌ ئه‌لقاعیده‌ په‌لاماری باره‌گای کۆمه‌ڵی چه‌کداری لیوا سقوری ئیسلامیان دابوو‌ و له‌وێ مسته‌فا وه‌زاح سه‌رکرده‌ی کۆمه‌ڵه‌که‌ و 20 چه‌کداریان ده‌سـتگیرکردووه‌.
لیوا سقوری ئیسلام کۆمه‌ڵێـکی سه‌ر به‌ له‌شـکری ئازادی سوریا بوو، به‌ڵام له‌م دوایـیانه‌ جیابووه‌وه‌‌ به‌هۆی ناکۆکی له‌سه‌ر چه‌ک و وه‌ک ڕۆیته‌رز ده‌ڵێت چه‌ند ڕۆژێـک له‌مه‌وبه‌ر 7 ماشێنی پـڕ چه‌ک که‌ بۆ له‌شـکری ئازاد ڕه‌وانه‌کرابوون له‌ لایه‌ن ئه‌م کۆمه‌ڵه‌ چه‌کداره‌وه‌ ده‌ستیان به‌سه‌ردا گیرا‌.
XS
SM
MD
LG