Accessibility links

سێ ژن له‌ به‌ریتانیا که‌ بۆ ماوه‌ی 30 سـاڵ ده‌سـتبه‌سه‌رکرابوون ئازادکران

  • VOA News

سێ ژن که‌ بۆ ماوه‌ی 30 سـاڵ بوو له‌ ماڵێـکدا له‌ باشوری له‌نده‌ن وه‌ک کۆیله‌ ده‌ستبه‌سه‌رکرابوون، ڕۆژی پـێـنجشه‌ممه‌ پـۆلیس هه‌واڵی ڕزگارکردنیانی ڕاگه‌یاند.
کاربه‌ده‌سـتانی پـۆلیسی له‌نده‌ن هه‌واڵه‌که‌یان ڕاگه‌یاند پاش ئه‌وه‌ی به‌یانی پـێـنجشه‌ممه‌ له‌ چوارچێوه‌ی لێکۆڵینه‌وه‌کانیاندا بڕیاری ده‌سـتگیرکردنی ژن و پـیاوێـکی ته‌مه‌ن 67 سـاڵیان دا به‌ تاوانی به‌ کۆیله‌کردن.
لێـکۆڵینه‌وه‌کانی پـۆلیس له‌وه‌وه‌ ده‌سـتیپـێکرد که‌ یه‌کێـک له‌ ژنه‌کان په‌یوه‌ندی به‌ کۆمه‌ڵه‌یه‌کی خێرخوازکردبوو و ئه‌وانیش لای خۆیانه‌وه‌ پـۆلیسیان ئاگادارکردبۆوه‌‌. ژنه‌کان چه‌ند هه‌فته‌یه‌که‌ ئازادکراون، بریتین له‌ ژنێـکی مالیزی ته‌مه‌ن 69 سـاڵ، ژنێـکی ئێرله‌ندی 57 سـاڵ، ژنێـکی به‌ریتانی 30 سـاڵ.
پـۆلیس ده‌ڵێت پـێناچێت ئه‌و ژنانه‌ په‌یوه‌ندیـیان به‌ یه‌که‌وه‌ هه‌بووبێت و هه‌روه‌ها هیچ به‌ڵگه‌یه‌ک نیـیه‌ ئاماژه‌ بۆ ئه‌وه‌ بکات ده‌سـتدرێژی سێـکسیان کرابێته‌سه‌ر.
XS
SM
MD
LG