Accessibility links

سه‌باره‌ت به‌ کوژرانی ئه‌ڤین عوسمانی


ئه‌ڤین عوسمانی

ئه‌ڤین عوسمانی

نگین شێخ ئه‌لئیسلامی: رژیم دژایه‌تی له‌ گه‌ڵ بیر و باوه‌ر و کولتور و سروشتی کوردستان هه‌یه‌.

ئه‌ڤین عوسمانی کچه‌ گه‌نجێکی ته‌مه‌ن 17 ساڵی چوارشه‌مه‌ی ڕابردوو له‌ لایه‌ن هێزه‌کانی حکومه‌تی کۆماری ئیسلامی ئێرانه‌وه‌ ته‌قه‌ی لێکرا، و دوای ئه‌وه‌ی بۆ نه‌خۆشخانه‌ی شاری بانه‌ ڕفیندرا له‌ به‌ر کاریبوونی برینه‌که‌ی گیانی له‌ ده‌ست دا.

به‌ پێی هه‌واڵنێری کوردپا که‌ سه‌رچاوه‌یه‌کی ئاگادار پێی راگه‌یاندوه‌: "

"ئەڤین عوسمانی" رۆژی چوارشەممە رێکەوتی ٢٢ی خەزەڵوەڕ هاوڕی لەگەڵ براکەی چووبوونە سەیران و لە رێگەی گەڕانەوە بۆ ماڵەوە، لەلایەن هێزە نیزامییەکانەوە بەبیانووی هەڵگرتنی کەلوپەلی قاچاخ ، تەقەیان لێکراوه‌."

نگین شیخ ئه‌لئیسلامی، رۆژنامه‌نووس و چالاکی مافه‌کانی مرۆڤ ئه‌و ئیدعایه‌ی ڕژیم به‌ ڕاست نازانێت و ده‌ڵیت، رژیم، هێزه‌کانی سوپای پاسدار و ئیتلاعاتی، به‌ جل و به‌رگی ئینتزامی یه‌وه‌، بۆ سنووره‌کانی به‌ڕێ کردوون هه‌تا خه‌ڵکی بێ تاوان بکوژن که‌ تا ئێستا ژماره‌یان ده‌گاته‌ سه‌دان که‌س.

شێخ ئه‌لئیسلامی به‌ وه‌بیرهێناوه‌ی سووتاندنی دارستانه‌کان له‌ لایه‌ن رژیمه‌وه‌ ده‌ڵێت، حکومه‌ت دژایه‌تی له‌ گه‌ڵ سرووشت و سامان، له‌ گه‌ڵ بیرو باوه‌ڕ و کولتوری خه‌ڵکی کورستانی هه‌یه‌ و ئه‌مه‌ نه‌ ته‌نیا ئه‌ڤین به‌ڵکوو هه‌موو کۆمه‌ڵگای کورده‌واری ده‌گرێته‌وه‌.

XS
SM
MD
LG