Accessibility links

له‌شـکری لیبیا له‌ ته‌رابلوسی پایته‌خت بڵاوده‌بێته‌وه‌

  • VOA News

یه‌که‌کانی له‌شـکری لیبیا ڕۆژی دووشه‌ممه‌ به‌ شه‌قامه‌کانی ته‌رابلوسی پایته‌خت بڵاوبوونه‌وه‌ دوابه‌دوای ئه‌و نائارامیـیه‌ گه‌ورانه‌ی که‌وتنه‌وه‌ به‌هۆی ئه‌و چه‌کدارانه‌ی له‌ پاش ڕووخاندنی ڕژێمی موعه‌مه‌ر قه‌زافی ڕوویان له‌ شـاره‌که‌ کردبوو.
چه‌کدارانی له‌ شـاری مسڕاته‌وه‌ هاتبوون ده‌ستیان به‌ کشـانه‌وه‌ به‌ره‌و ڕۆژهه‌ڵات کرد‌‌، له‌ پاش ته‌قه‌کردنیان له‌ خۆپـیشـانده‌ران و هه‌روه‌ها دوو ڕۆژ له‌ شه‌ڕوپـێـکدادان که‌ بوونه‌ مایه‌ی کوژرانی 46 که‌س و برینداربوونی سه‌دان که‌سی دیکه‌.
ڕۆژی هه‌ینی له‌ پاش نوێژی هه‌ینی خه‌ڵـکی له‌ ته‌رابلوس ڕژانه‌ سه‌ر شه‌قامه‌کان بۆ داوای چۆڵکردنی شاره‌که‌یان له‌ چه‌کداران، به‌ڵام له‌ باره‌گایه‌کی چه‌کدارانه‌وه‌ ته‌قه‌یان لێکرا و کوژراو و برینداری لێـکه‌وته‌وه‌.
XS
SM
MD
LG