Accessibility links

به‌ریتانیا په‌یوه‌ندیـیه‌ دیپـلۆماسیـیه‌کانی له‌گه‌ڵ ئێراندا ده‌سـتپـێده‌کاته‌وه‌

  • VOA News

Ajay Sharma

Ajay Sharma

وه‌زاره‌تی ده‌ره‌وه‌ی به‌ریتانیا ڕۆژی دووشه‌ممه‌ ڕایگه‌یاند که‌وا په‌یوه‌ندیـیه‌ دیـپلۆماسـیـیه‌کانی له‌گه‌ڵ ئێراندا ده‌سـتپێـده‌کاته‌وه‌ که‌ بۆ ماوه‌ی دوو سـاڵ بوو ڕاگیرابوو.
وه‌زاره‌ته‌که‌ له‌ به‌یانـنامه‌یه‌کدا گوتی ولیه‌م هێگ وه‌زیری ده‌ره‌وه‌ له‌ 8 ی مانگی ده‌ ڕایگه‌یاندبوو به‌ریتانیا و ئێران ڕێـکه‌وتوون هه‌ر یه‌که‌یان هه‌ڵسوڕێنه‌رێـکی گه‌ڕۆک بۆ ڕاپه‌ڕاندنی کاره‌کانیان له‌ وڵاتی یه‌کتر دابمه‌زرێنن, به‌ریتانیاش لای خۆیه‌وه‌ (ئاجای شارما)ی بۆ ئه‌و پـۆسته‌ ده‌سـتنیشـان کردووه‌.
به‌ریتانیا ده‌ڵێت به‌م هه‌نگاوه‌ ده‌توانێت وتووێژی زیاتر و به‌رده‌وامی له‌گه‌ڵ ئێراندا هه‌بێت بۆ تاووتوێکردنی مه‌سه‌له‌کان، له‌وانه‌ شیانی کردنه‌وه‌ی باڵیۆزخانه‌کان.
وه‌زاره‌تی ده‌ره‌وه‌ی به‌ریتانیا ده‌ڵێت به‌ڕێز شارما ئۆفیسه‌که‌ی له‌ به‌ریتانیا ده‌بێت، به‌ڵام به‌ به‌رده‌وانی ئیدی سه‌ردانی ئێران ده‌کات.
جێی ئاماژه‌یه‌ ئاجای شارما دیپـلۆماتێـکی خاوه‌ن ئه‌زموونه‌ و به‌ تایبه‌تی له‌ مه‌سه‌له‌کانی په‌یوه‌ست به‌ ئێران و ناوچه‌که‌. ئه‌و له‌ ئێسـتادا سه‌رۆکی به‌شی ئێرانه‌ له‌ وه‌زاره‌تی ده‌ره‌وه‌ و پـێشـتر جێـکری سه‌رۆکی شـاندی دیپـلۆماسی به‌ریتانیا بوو له‌ تاران.
XS
SM
MD
LG