له‌ به‌نگلادیش که‌سێک ده‌کوژرێت و ده‌یانی تریش بریندارن

چالاکوانانی ئۆپزسیۆن له‌ به‌نگلادیش له‌گه‌ڵ هێزه‌کانی پۆلیس و هه‌روه‌هاش ئه‌ندامانی پارتی فه‌رمانڕه‌وای وڵاته‌که‌دا به‌ یه‌کیاندا داوه‌.

ئه‌م ڕووداوانه‌ی ئه‌مڕۆ یه‌کشه‌ممه‌ له‌ یه‌که‌م ڕۆژی ئه‌و مانگرتنه‌ گشتیه‌ چوار ڕۆژیه‌دا بووه‌ که‌ پێشتر ڕاگه‌یه‌ندرابوو.

ئۆپزسیۆنی به‌نگلادیش داوای ئه‌م مانگرتنه‌یان کردووه‌ تا شێخ حه‌سینه‌ سه‌ره‌ک وه‌زیری وڵاته‌که‌ ناچار بکرێت ده‌ست له‌ کار بکێشێته‌وه و حکومه‌تێکی به‌ڕێوه‌بردنی کاروباره‌کان دوور له‌ لایه‌نه‌ سیاسیه‌کان پێکبهێنێت تا چاودێری هه‌ڵبژاردنه‌که‌ی ساڵی داهاتوو بکات.

له‌ شه‌ڕ و ئاژاوه‌کانی ئه‌مڕۆ یه‌کشه‌ممه‌دا به‌لانی که‌م که‌سێک کوژراوه‌ و ده‌یانی تریش بریندارن له‌ سه‌رانسه‌ری وڵاته‌که‌دا. ‌