Accessibility links

پـشـکنه‌رانی نێونه‌ته‌وه‌یی له‌ له‌کارکه‌وتنی ده‌زگایه‌کی دروسـتکردنی چه‌کی کیمیاوی سوریا دڵنیا ده‌بن


ده‌سـته‌ی نێونه‌ته‌وه‌یی، ئه‌وه‌ی سه‌رپه‌رشـتی ئه‌رکی له‌ناوبردنی چه‌کی کیمیاوی سوریا ده‌کات، ده‌ڵێت ئێسـتا توانیویه‌تی یه‌کێـک له‌و دوو شوێنه‌ی ماون پـشـتڕاست بکات، ئه‌وانه‌ی به‌هۆی نیگه‌رانی و مه‌ترسی ئاسایشی ڕێـگربوون له‌ سه‌ردانکردنی پـشـکنه‌ران بۆ ئه‌م دوو شوێنه‌.
له‌و باره‌یه‌وه‌ ڕۆژی پـێـنجشه‌ممه‌ ڕێـکخراوی قه‌ده‌غه‌کردنی چه‌کی کیمیاوی سوریا ڕایگه‌یاند پـشـکنینی ئه‌م شوێنه‌ له‌ شـاری حه‌له‌ب، ڕاگه‌یاندنه‌که‌ی سوریای پـشـتڕاستکرد په‌یوه‌سـت به‌وه‌ی پـرۆگرامی کیمیاوی تێدا له‌ناوبرابوو و له‌ مێژه‌ به‌جێهێڵراوه‌.
ڕێـکخراوی ناوبراو ئاماژه‌ی ئه‌وه‌شی دا شوێنه‌که‌ له‌ ئاکامی شه‌ڕه‌کان زیانی گه‌وره‌ی پـێـگه‌یشتووه‌.
شایه‌نی باسه‌ شاری حه‌له‌ب له‌ ماوه‌ی 32 مانگی قه‌یرانی سوریا، یه‌کێک بووه‌ له‌و شارانه‌ی شه‌ڕی قورسی تیادا ڕوویداوه‌.
به‌هۆی کاری پـشـکنه‌رانه‌وه‌ ڕێـکخراوی قه‌ده‌غه‌کردنی چه‌کی کیمیاوی نه‌ته‌وه‌ یه‌کگرتووه‌کان ئێسـتا شوێنی له‌ کۆی 23 ده‌زگای چه‌کی کیمیاوی ڕاگه‌یه‌ندراو له‌ لایه‌ن سوریاوه‌، 22 شوێن پـشـتڕاستکراوه‌.
جێی ئاماژه‌یه‌ حکومه‌تی سوریا قایل بووه‌ هه‌تا ناوه‌ڕاستی سـاڵی داهاتوو هه‌موو چه‌که‌ کیمیاویـیه‌کانی له‌ناوبـبرێن.
له‌ لایه‌کی دیکه‌وه‌ ڕێـکخراوی قه‌ده‌غه‌کردنی چه‌کی کیمیاوی له‌ هه‌فته‌ی ڕابردوو ڕایگه‌یاند یه‌که‌م قۆناغی پـلانی له‌ناوبردنی چه‌که‌ کیمیاویـیه‌کانی حکومه‌تی به‌شـار ئه‌سه‌د ته‌واوبوو‌ که‌ تیایدا ئامێره‌کانی دروسـتکردنی چه‌کی کیمیاوی له‌کارخران.
XS
SM
MD
LG