Accessibility links

ئێران و زلهێزانی جیهان ده‌سـتده‌که‌نه‌وه‌ به‌ وتووێژ له‌ باره‌ی به‌رنامه‌ ناوکیـیه‌که‌وه‌

  • VOA News

وتووێژکارانی ئێرانی و شه‌ش زلهێزه‌که‌ی جیهان ئه‌مڕۆ پـێـنجشه‌ممه‌ له‌ جنێڤ جارێـکی دیکه‌ کۆده‌بنه‌وه‌ بۆ دۆزینه‌وه‌ی ڕێگه‌چاره‌یه‌ک بۆ کێشه‌ی به‌رنامه‌ ناوکیـیه‌که‌ی که‌وا بۆ ده‌ سـاڵه‌ درێژه‌ی کێشـاوه‌.
وتووێژی ئه‌م جاره‌ که‌ بڕیاره‌ دوو ڕۆژ به‌رده‌وام بێت، دوابه‌دوای وتووێژه‌کانی مانگی ڕابردوو دێت که‌ هه‌ردوو لا به‌ ئه‌رێنی ناودێریان کرد.
جه‌واد زه‌ریف وه‌زیری ده‌ره‌وه‌ی ئێران که‌ سه‌رۆکایه‌تی شـاندی وتووێژکارانی ئێرانی ده‌کات، ئه‌مڕۆ گوتی پـێشبینی ده‌کات دانوسـتاندنه‌کان ڕژد بن و ئه‌گه‌ر هه‌ردوو لا هه‌وڵی ته‌واوی خۆیان بده‌ن، ئه‌وا ڕه‌نگه‌ له‌م هه‌فته‌یه‌دا به‌ ڕێـکه‌وتنێـک بگه‌ن.
زه‌ریف ئه‌م لێـدوانه‌ی دا له‌ پاش کۆبوونه‌وه‌یه‌کی به‌یانی له‌گه‌ڵ کاثرین ئاشـتۆن به‌رپـرسی سیاسه‌تی ده‌ره‌وه‌ی یه‌کێتی ئه‌وروپا که‌ سه‌رۆکایه‌تی گروپـی وتووێژکارانی نێوده‌وڵه‌تی ده‌کات، له‌وانه‌ ئه‌مه‌ریکا و به‌ریتانیا و چین و فه‌ڕه‌نسـا و ڕووسیا و ئه‌ڵمانیا.
ئێران خوازیاره‌ سـزا نێوده‌وڵه‌تیـیه‌کانی له‌سه‌ر نه‌مێنێت، شه‌ش زلهێزه‌که‌ش ده‌یانه‌وێت دڵنیا بـبن له‌وه‌ی ئێران هه‌وڵی دروسـتکردنی چه‌کی ناوکی نادات.
XS
SM
MD
LG